პოლიტიკა

დავით ზალკალიანი სერბ კოლეგას შეხვდა

03.12.21 15:00


საქართველოს ვიცე-პრემიერი, საგარეო საქმეთა მინისტრი დავით ზალკალიანი, ეუთო-ს მინისტერიალის ფარგლებში, სერბეთის რესპუბლიკის საგარეო საქმეთა მინისტრს, ნიკოლა სელაკოვიჩს შეხვდა.

 

საქართველოს საგარეო უწყების პრესსამსახურის ცნობით, შეხვედრაზე საუბარი შეეხო სერბეთ-საქართველოს ურთიერთობებს და მათი გაღრმავების მიმართულებებს.

 

მინისტრებმა ხაზი გაუსვეს ერებს შორის ტრადიციულად მეგობრულ კავშირებს, გაცვალეს ინფორმაცია ეკონომიკური მდგომარეობის და სავაჭრო კავშირების გაღრმავების პოტენციალის შესახებ.

 

დადებითი შეფასება მიეცა თბილისში მიმდინარე თვეს სერბეთსა და საქართველოს შორის გამართულ პოლიტიკურ კონსულტაციებს.

 

გამოიხატა მზაობა უახლოეს პერიოდში მაღალი დონის ვიზიტების გაცვლის შესახებ, რაც კიდევ უფრო შეუწყობს ხელს ორი ქვეყნის კავშირების გაღრმავებას.

 

 

წყარო :  /www.1tv.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები