ანალიტიკა

ნაცისტური "სომეხი არწივები" მზად არიან რუსეთთან ერთად იბრძოლონ ... საქართველოს წინააღმდეგ?
11.12.21 9:20

2021 წლის 10 დეკემბერს რუსული "პატრიოტული" მედია შეუდგა პარტიის "სომეხი არწივები - ერთიანი სომხეთი" ლიდერის ხაჩიკ ასრიანის განცხადების გავრცელებას იმის შესახებ, რომ "რუსეთის მტრები ჩვენი მტრები არიან, ჩვენ მზად ვართ ვიბრძოლოთ მოძმე ხალხთან ერთად". " აი, თურმე რა "მეგობრები და ძმები" ჰყოლია რუსეთს "ძველი სომეხი ხალხის" სახით. სასწრაფოდ უნდა ვუშველოთ სომხებს!

 

ქოჩარიანისა და სარგსიანის პრეზიდენტობისას სპორტისა და ახალგაზრდობის საქმეთა მინისტრის მოადგილის, სომხეთის შეიარაღებული ძალების პოლკოვნიკის ხაჩიკ ასრიანის განცხადებები სწორედ რომ  პროპაგანდისტულად „დროული “ იყო.

ამჟამად რუსეთის ფედერაცია ძალიან შეშფოთებულია ნატოს გაფართოებით და მასში საქართველოსა და განსაკუთრებით უკრაინის შესვლის პერსპექტივით, რომელთანაც ურთიერთობები ღია ომთან ახლოსაა. და იმ დროს, როდესაც რუსი პატრიოტები გაბრაზებულნი ეძებენ "მოკავშირეებს" - ისინი მოულოდნელად "გახტნენ". "სომეხი არწივების" ლიდერმა ხმამაღლა განაცხადა, რომ სომხეთმა უნდა წარმართოს თავისი საგარეო პოლიტიკა ექსკლუზიურად რუსეთის ფედერაციასთან - "ქრისტიან მოძმე რუს ხალხთან" ალიანსში:

 

„შეუძლებელი შესაძლებელი უნდა გავხადოთ, ხელი შევუწყოთ არა მხოლოდ სომხურ-რუსული მეგობრობის მუდმივ განმტკიცებას, არამედ სომხეთსა და რუსეთს შორის სამხედრო-პოლიტიკური და ეკონომიკური თანამშრომლობის გაუმჯობესებას. თუ "სომეხს არწივთა" მამაცმა რაზმმა, რომელიც 2020 წლის შემოდგომაზე თურქების მიერ "არცახისა" და სომხეთის წინააღმდეგ გაჩაღებული ომის დაწყებიდან, სიცოცხლის ფასად ზუსტად ერთი თვის განმავლობაში იცავდა და ინარჩუნებდა „არცახის“ ქალაქები მარტუნისა და ჭართარის ხელშეუხებლობას, ისევე როგორც მეზობელი სოფლებისას, მაშინ ყოველთვის მზადაა   რუსეთის შეიარაღებული ძალების შემადგენლობაში საბრძოლველად. რუსეთის მტრები ჩვენი მტრებიც არიან.", — ასე ბრძანა ხაჩიკ ასრიანმა.

 

მართალია, სრულიად გაუგებარია, რამდენად შეესაბამება იგივე ხაჩიკ ასრიანის მიერ რუსეთთან „ქრისტიანული ძმობა“ რუსეთის ფედერაციის მიერ უკრაინის ყირიმის ანექსიის უპირობო მხარდაჭერას. უკრაინელები ქრისტიანები არ არიან? და საკითხავია, როგორ გამოდის, რომ  სომხები რუსებისთვის "უფრო მეტად ძმებს" არიან, ვიდრე უკრაინელები (რომლებიც პრაქტიკულად იგივე ხალხია, რაც რუსები)? იმით, რომ ყველგან ასტიმულირებენ და პროვოცირებენ სეპარატიზმსა და საზღვრების გადაკერვას?

 

კიდევ უფრო საინტერესოა ხაჩიკ ასრიანის, „მთავარი სომხური არწივის“ პიროვნება (რომელიც დღეს თავისი ხმამაღალი „პროპაგანდისტული ყივილით“ უფრო მეტად ემსგავსება მამალს).

 

1991 წელს ახალგაზრდა ხაჩიკ ასრიანმა ზანგეზურში შექმნა ბოევიკების ყველაზე ახალგაზრდა რაზმი (უფრო სწორედ, ნეო-ნაცისტურ თავდამსხმელთა რაზმი) "გარეგინ ნჟდეს მგლების ხროვა", სადაც ტატევისა და ხალიძორის სასწავლო ბანაკებში გაწრთვნილი 15-18 წლის ახალგაზრდები შედიოდნენ. 1991-1994 წწ რაზმთან "გარეგინ ნჟდეს მგლების ხროვა"  ერთად იგი მონაწილეობდა ყარაბაღის პირველ ომში. ხაჩიკ ასიანი ასევე გახლავთ 2003 წლიდან დაწესებული გარეგინ ნჟდეს სახელობის კარატეს  ყოველწლიური ახალგაზრდული ჩემპიონატისა და კონკურსის „ნჟდეს პრიზი“ დამფუძნებელი.

 

ანუ, ჩვენს წინაშეა ალბათ ყველაზე მგზნებარე ნეონაცისტი, ნაცისტური კრიმინალის გარეგინ ნჟდეს მიმდევარი და თაყვანისმცემელი. და ამავე დროს, დიდი ალბათობით მისი "ბოსის"  - ადოლფ ჰიტლერისა. და ეს ფაშისტი საუბრობს რუსებთან „ძმობაზე“ და მზადყოფნას გამოთქვამს იბრძოლოს რუსებთან ერთად „რუსეთის მტრების“ წინააღმდეგ. მათ წინააღმდეგ, ვისზეც ამჟამინდელი ნეონაცისტები მიუთითებენ. როგორ ერწყმის ეს იმ ფაქტს, რომ მისი კერპი გარეგინ ნჟდე მხოლოდ რუსეთს ებრძოდა და რუსებს კლავდა  გაუგებარია.

 

მილიონობით რუსი ჯარისკაცი, რომლებმაც სიცოცხლე გაწირეს ნაციზმთან ბრძოლაში, ისევე როგორც ნაცისტების, მათ შორის ნჟდესა და მისი ზონდერბრიგადების, მიერ მოკლული და ნაწამები მილიონობით მსხვერპლი, სავარაუდოდ საფლავებში გადაბრუნდებიან, როდესაც მათი შთამომავლები „რუს პატრიოტებად“ ასაღებენ თავს, კერძოდ ტელეარხთან  "ცარგრადი", რომელიც  აღფრთოვანებას ვერ მალავს ნაცისტი ყაჩაღის მიმდევრობის გამო. და არც ერთი რუსი „ურა პატრიოტი“, რომელიც ასე ენთუზიაზმით მიიღებდა ხაჩიკ ასრიანის სიტყვებს „რუსეთთან ძმობის“ შესახებ და კიდევ უფრო ადრე, მისნაირი სომხების მზადყოფნის შესახებ, მოხალისეებად წასულიყვნენ რუსეთის ჯარში, "საერთო მტრის" წინააღმდეგ ომის შემთხვევაში, არ უსვამს მას კითხვას: რამდენად შეესაბამება ეს მისი მხრიდან ნაციზმისა და ნაცისტი გარეგინ ნჟდეს აშკარა თაყვანისცემას?

 

ხაჩიკ ასრიანს სიამოვნებით ციტირებს Eurasia Daily, რომელიც ცნობილია ქართველოფობიით. და საერთოდ  ხაჩიკ ასრიანი ბოლო დროს განსაკუთრებულ აქცენტს აკეთებს რუსეთსა და ნატოს  შორის მოახლოებულ სამხედრო კონფლიქტზე, რომლებიც აპირებენ ნატოში გაწევრიანებას და უპირველეს ყოვლისა უკრაინას „მტრად“ ნათლავს.

 

მაგრამ უკრაინა შორს არის სომხეთისგან. სამაგიეროდ, ახლოს  სხვა ქვეყანაა, რომელიც ასევე ნატოსკენ მიისწრაფვის, საქართველო, რომელიც სომეხი პროვოკატორების მიერ „რუსეთის მტრებად“ არის შერაცხული. სწორედ რუსულ სამხედრო ძალებთან ალიანსში აპირებენ, როგორც ჩანს, ასრიანისმაგვარები „ჯავახეთის საკითხის“ (ქართული სამცხე-ჯავახეთის სომხეთთან ანექსიას) მოგვარებას. ვინაიდან მათი „არცახის“ ავანტიურა ჩაიშალა, მაშინ ყარაბაღის აზერბაიჯანული მიწების ხარჯზე სომხეთის ტერიტორიის გაზრდის მცდელობას ექნება ადგილი.

 

 

Kavkazplus

წაკითხულია : 487