პოლიტიკა

ნათია თურნავა: დუბაის „ექსპო 2020“ - ზე საქართველო ღირსეულად არის წარმოდგენილი ქართული პავილიონის სახით, რომელიც დამთვალიერებელთა შორის მაღალ ინტერესს იწვევს

29.12.21 14:40


„ექსპო 2020 დუბაი“ - ზე საქართველო ღირსეულად არის წარმოდგენილი ქართული პავილიონის სახით, რომელიც მაღალ ინტერესს იწვევს დამთვალიერებელთა შორის, - ამის შესახებ ეკონომიკისა და მდგრადი განვითარების მინისტრმა ნათია თურნავამ დუბაიში, ექსპო 2020 დუბაიზე საქართველოს ეროვნული დღის გახსნის ოფიციალური ცერემონიის შემდეგ მედიასთან საუბრისას განაცხადა.

 

საერთაშორისო გამოფენა „ექსპო 2020 დუბაის“ ფარგლებში, დუბაიში დღეს საქართველოს ეროვნული დღე აღინიშნება, რომელსაც ვიცე-პრემიერ ლევან დავითაშვილის ხელმძღვანელობით ქართული დელეგაცია ესწრება.

 

მინისტრის თქმით, მნიშვნელოვანია, რომ ჩვენი ურთიერთობები არაბთა გაერთიანებულ საემიროებთან და ზოგადად არაბულ სამყაროსთან მყარდება და საქართველოს მიმართ იზრდება ინტერესი ტურისტული, საინვესტიციო, ვაჭრობის თვალსაზრისით.

 

„ექსპო 2020 დუბაი მსოფლიოში ერთ-ერთი უმსხვილესი სავაჭრო და ტექნოლოგიური გამოფენაა. კოვიდ პანდემიის მიუხედავად, გამოფენისადმი ინტერესმა ყველა მოლოდინს გადააჭარბა. მნიშვნელოვანია, რომ ამ გამოფენაზე წარმოდგენილები ვართ საკმაოდ საინტერესო პავილიონით, რომელსაც ყოველდღიურად 2 ათასამდე ვიზიტორი სტუმრობს. საქართველოს პავილიონში წარმოჩენილია ჩვენი ქვეყნის ყველაზე უნიკალური მიმართულებები, როგორიცაა ჩვენი დამწერლობა, კულტურა, ტურისტული პოტენციალი, აგრეთვე ინოვაციებში, ტექნოლოგიებში, ენერგეტიკასა და სოფლის მეურნეობაში არსებული საინვესტიციო შესაძლებლობები, რომელთაც საქართველო სთავაზობს უცხოელ პოტენციურ ინვესტორებს“, - აღნიშნა ნათია თურნავამ.

 

„ექსპო 2020 დუბაიზე“ ქართული პავილიონი წარმოდგენილია ოთხი თემატური მიმართულებით - ტრადიციული მეღვინეობა, ქართული დამწერლობა, დინამიკური და განვითარებადი ტურისტული მიმართულება მსოფლიოში და რა თქმა უნდა, ბიზნესგარემო“, - აღნიშნულია ეკონომიკისა და მდგრადი განვითარების სამინისტროს მიერ გავრცელებულ ინფორმაციაში.

 

„ექსპო 2020 დუბაიში“ მსოფლიოს 191 ქვეყანა მონაწილეობს.

 

 

წყარო :  /www.imedinews.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები