პოლიტიკა

„პოლიტიკური კრიზისის განმუხტვა, შესაძლებელია, მხოლოდ და მხოლოდ რიგგარეშე არჩევნებით“ - ზურაბ ჯაფარიძე

19.01.22 15:00


„პოლიტიკური კრიზისის განმუხტვა ამ ქვეყანაში შესაძლებელია მხოლოდ და მხოლოდ რიგგარეშე არჩევნებით“, - ამის შესახებ „ტვ პირველის“ ეთერში  პარტია „გირჩი - მეტი თავისუფლების“ ლიდერმა ზურაბ ჯაფარიძემ განაცხადა. 

 

როგორც ზურაბ ჯაფარიძე აცხადებს, პოლიტიკური სპექტრი და მედია აცდენილია ყველაფერს. 

 

„რა ქვეყანაც არის, ისეთი პოლიტიკური სპექტრი გვყავს. როგორც, ქართულ ფეხბურთს რომ შეხედავ, არ გყავს ბარსელონა და მანჩესტერ იუნაიტედი, არ უნდა გქონდეს მოლოდინი, რომ ქართულ პოლიტიკაში გეყოლება ბარსელონას და მანჩესტერ იუნაიტედის მოთამაშე. პოლიტიკური სპექტრი, მედია ძალიან აცდენილია ყველაფერს. ზედაპირულად ხდება პრობლემების გაშუქება, მაშინ ისიც როცა რაღაც მოხდება. დევნილების პრობლემის მოგვარებას სჭირდებოდა რვაასი მილიონი ლარი და ყველა მათი მოთხოვნა დაკმაყოფილებული იქნებოდა. 

 

პოლიტიკური კრიზისის განმუხტვა ამ ქვეყანაში შესაძლებელია მხოლოდ და მხოლოდ რიგგარეშე არჩევნებით. რიგგარეშე არჩევნებამდე შეიძლება მიხვიდე, თუ სამოქალაქო აფეთქება მოხდება, თუმცა, ამას უახლოეს მომავალში ვერ ვხედავ.

ადამიანებს სჭირდებათ იმედის გაჩენა, რომ ამ ქვეყნიდან რაღაც შეიძლება გამოვიდეს, სხვა შემთხვევაში ახალგაზრდებისგან დაიცლება ეს ქვეყანა“, - აცხადებს ზურაბ ჯაფარიძე.

 

 

 

წყარო :  /www .pia.ge/

წაკითხულია : 109


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები