ანალიტიკა

პატრიოტთა ალიანსი კავშირშია "ჯავახ" სეპარატისტებთან?
07.04.22 14:00

ქართული სახელმწიფოს ერთ-ერთი ყველაზე თანმიმდევრული მტერია სეპარატისტი აგასი არაბიანი და მისი ორგანიზაცია „რუსეთის ჯავახური დიასპორა“. მათ მყარად მოიკიდეს ფეხი  მოსკოვში და სომხური ლობისა და რუსული სპეცსამსახურების ფულით კოორდინაციას უწევენ საქართველოს სამცხე-ჯავხეთში სეპარატისტულ მიწისქვეშა მოქმედებებს.

 

„რუსეთის ჯავახური დიასპორა“ განსაკუთრებით არც მალავს თავისი საქმიანობის მიზნებს. მაგალითისთვის, გთავაზობთ ნაწყვეტს მისი „მილოცვიდან“ უკრაინის ყირიმისა და სევასტოპოლის სეპარატისტებისადმი, რომელთა ძალისხმევით მოხდა ნახევარკუნძულის ანექსია რუსეთის მიერ. რუსეთის ფედერაციის ამჟამინდელ სისხლიან აგრესიაში უკრაინის წინააღმდეგ მათაც მიუძღვით წილი. 2022 წლის 18 მარტს ფეისბუქის გვერდზე განთავსებულია „რუსეთის ჯავახური დიასპორის“ ანექსიის წლისთავისადმი მიძღვნილი სტატია და  აქ დიდი ზეიმია:

 

„გილოცავთ ძვირფასო სევასტოპოლელებო და ყირიმელებო!

 

გთხოვთ, მიიღოთ ჩვენი ყველაზე გულითადი და წრფელი მილოცვა ყირიმის რუსეთთან გაერთიანების დღესთან დაკავშირებით!

 

რვა წლის წინ ყირიმელები ერთიანი ფრონტით დაუპირისპირდნენ  უკანონობასა და ფაშიზმს, თავისუფლებისა და საკუთარი ბედის განსაზღვრის უფლების დასაცავად.

მთელმა მრავალეროვნულმა რუსეთმა მხარი დაუჭირა ყირიმის გაზაფხულს, მხარი დაუჭირა სევასტოპოლის და ყირიმის სურვილს, ყოფილიყვნენ ერთიანობაში სამშობლოსთან, მათ სურვილს დაბრუნებულიყვნენ მშობლიურ ნავსაყუდელში.

 

ჩვენი ქვეყნისთვის, თითოეული რუსისთვის ამ დღესასწაულს განსაკუთრებული მნიშვნელობა აქვს! ის განსაკუთრებით ძვირფასია ყირიმის მრავალეროვნული ნახევარკუნძულის ტერიტორიაზე მცხოვრები ყველა ადამიანის გულთათვის!

 

ვუსურვებთ მშვიდობას, ბედნიერებას, მომავლის ნდობას, ახალ მიღწევებს და კეთილდღეობას რუსეთის ფედერაციაში!

 

გილოცავთ! ბედნიერი დღესასწაული, ძვირფასებო!

 

საზოგადოებრივი ორგანიზაციის გამგეობა,

 

"რუსეთის ჯავახკური დიასპორა"

 

თუ ამ მილოცვაში სიტყვა ყირიმს „ჯავახკით“ ჩავანაცვლებთ, ხოლო რუსეთს „სომხეთით“, მაშინვე ცხადი გახდება, თუ რისკენ ისწრაფვის „რუსეთის ჯავახკური დიასპორა“. ესენი არიან ქართული სახელმწიფოს დაუძინებელი მტრები, რომლებიც პირდაპირ ოცნებობენ საკუთარი რეგიონის საქართველოსგან გამოყოფაზე, ქართველი მოსახლეობის ეთნიკურ წმენდაზე და ორიგინალური ქართული მიწების სომხეთისათვის მიერთებაზე რუსეთისა და რუსული იარაღის დახმარებით.

 

ნებისმიერი ქართველი პოლიტიკოსი, რომელიც ურთიერთობს საქართველოს ამ მტრებთან, ნამდვილად არის თავისი ქვეყნის, თავისი ხალხის მოღალატე და მტერი. მაგრამ პოლიტიკური პარტია „პატრიოტთა ალიანსის“ მოღვაწეები არა მხოლოდ ურთიერთობენ სეპარატისტებთან, არამედ მათი შუამავლობით აწყობენ შეხვედრებს აგრესორი სახელმწიფოს - რუსეთის პოლიტიკოსებთან. როგორც ჩანს, იმ მიზნით, რომ საქართველოს სუვერენიტეტი სწრაფად „ჩაბარდეს“ იმ ქვეყანას, რომელიც იკავებს საქართველოს ტერიტორიის 20%-ს და განდევნა 300 ათასზე მეტი ქართველი სახლებიდან.

 

სინამდვილეში, ამაში უცნაური არაფერია. „პატრიოტთა ალიანსი“ დიდი ხანია ჩამოყალიბდა, როგორც „მეხუთე კოლონა“ საქართველოში, რომელიც იცავს ექსკლუზიურად რუსი ოკუპანტებისა და სომხური ლობის ინტერესებს.  თავისი სომეხი „ბატონების“ სურვილების ასასრულებლად „პატრიოტთა ალიანსი“ აწარმოებს ანტითურქულ და ანტიაზერბაიჯანულ ქმედებებს, ითხოვს საქართველოდან მითიური „სომხების გენოციდის“ აღიარებას, დაჟინებით მოითხოვს ტვირთის ტრანზიტის ორგანიზებას სომხეთისთვის ოკუპირებული აფხაზეთის გავლით, მისი დეოკუპაციისა და ქართველ დევნილთა სახლებში დაბრუნების გარეშე.

 

საინტერესოა, რომ პატრიოტთა ალიანსმა მზადყოფნა გამოაცხადა, რომ საქართველოს ინტერესები რუსეთის სასარგებლოდ დათმოს სწორედ უკრაინის წინააღმდეგ რუსული აგრესიის წინ. ხოლო 2022 წლის 20 თებერვალს პატრიოტთა ალიანსმა  შეადგინა და ხელიც კი  მოაწერა ღია წერილს რუსეთის პრეზიდენტ პუტინის მიმართ, რომელშიც კერძოდ შემდეგი იყო ნათქვამი:

 

„... იმის გაცნობიერებით, რომ საქართველო რუსეთთან თანამშრომლობის გარეშე ვერ გაუმკლავდება ვერც რეგიონულ და მითუმეტეს გლობალურ გამოწვევებს, ჩვენ ვესწრაფით რუსეთთან მჭიდრო თანამშრომლობას და გვსურს შევხვდეთ სახელმწიფო სათათბიროს ხელმძღვანელობას და ფედერაციის საბჭოს, რათა მცირედი წვლილი მაინც შევიტანოთ რეგიონული უსაფრთხოების ეფექტური სისტემის ფორმირებაში...“

 

ახლა კი, უკრაინის წინააღმდეგ რუსეთის აგრესიის დაწყებიდან თვენახევრის შემდეგ, მას შემდეგ, რაც მთელმა მსოფლიომ ნახა ბუჩაში რუსი ოკუპანტების საშინელი სისასტიკის ამსახველი კადრები, ასეთი შეხვედრა შედგა. „მე-5 კოლონისთვის“ ეს შეხვედრა ოკუპანტი ქვეყნის პოლიტიკოსებთან „ჯავახკის“ სეპარატისტებმა მოაწყვეს.

 

„პატრიოტთა ალიანსმა“ მოსკოვში ფედერაციის საბჭოში „რუსეთის ჯავახკური დიასპორის“ ხელმძღვანელთან აღასი არაბიანთან ერთად შეხვედრა გამართა. შეხვედრას ესწრებოდნენ რუსეთის ფედერაციის ფედერაციული საბჭოს საერთაშორისო საქმეთა კომიტეტის თავმჯდომარის მოადგილე ვლადიმერ ჯაბაროვი და ამავე კომიტეტის წევრი მიხაილ სინიცინი.

 

ვლადიმერ ჯაბაროვი ეთნიკურად სომეხი და სომხური ლობის ერთ-ერთი მაღალჩინოსანი წარმომადგენელია რუსეთში. ფაქტობრივად, ის გახლავთ პატრიოტთა ალიანსის ერთ-ერთი "სომეხი მფლობელი". დღეს კი, იმ დროს როცა რუსეთის ფედერაცია ახორციელებს აგრესიას უკრაინის წინააღმდეგ, აშკარად იგეგმება იგივე აგრესია საქართველოს წინააღმდეგ, მისი დაშლა და ქართული სახელმწიფოებრიობის ლიკვიდაცია.

 

„ჩვენს ქვეყნებს მრავალსაუკუნოვანი მეგობრობა აკავშირებს და დარწმუნებული ვარ, რომ საქართველოში ბევრია, ვინც რუსეთთან კონტაქტების გაფართოების მომხრეა“, - განაცხადა ჯაბაროვმა შეხვედრაზე და აშკარად მოიხსენია საქართველოს ისეთ მოღალატეებზე, როგორიცაა დავით თარხან-მოურავი.

 

საქართველოს ოკუპაციის შემთხვევაში პატრიოტთა ალიანსი აუცილებლად გახდება წამყვანი კოლაბორაციონისტული ძალა, რომელსაც ბუნებრივია მხარს დაუჭერენ ორგანიზაცია „რუსეთის ჯავახური დიასპორა“ და მისი მიწისქვეშეთის ცალკეული ძალები საქართველოში. ამიტომ, ამგვარი მოგზაურობისა და ისეთი პოლიტიკური ძალების, როგორიცაა პატრიოტთა ალიანსი, რომელიც ღიად მუშაობს საქართველოს სეპარატისტებისა და მტრებისთვის, შეხვედრების საშიშროების ყურადღების მიღმა დატოვება  ყოვლად დაუშვებელია.

 

 

 

Kavkazplus

წაკითხულია : 505