მსოფლიო

ვოლოდიმირ ზელენსკი - მარიუპოლში რუსეთის თავდასხმის შედეგად, დიდი ალბათობით, მოკლულია ათობით ათასი ადამიანი

11.04.22 15:00


ათობით ათასი ადამიანი, დიდი ალბათობით, მოკლულია მარიუპოლში რუსეთის თავდასხმის შედეგად,- ამის შესახებ უკრაინის პრეზიდენტმა ვოლოდიმირ ზელენსკიმ სამხრეთ კორეის პარლამენტისთვის მიმართვისას განაცხადა.

 

„მარიუპოლი განადგურებულია, ათობით ათასი ადამიანი გარდაცვლილია, მაგრამ ამის მიუხედავად, რუსები არ აჩერებენ მათ თავდასხმას“,- განაცხადა ზელენსკიმ.

 

უკრაინის პირველი პირის თქმით, რუსეთი საფრთხეს უქმნის არა მხოლოდ უკრაინას, არამედ ევროპასაც და არ გაჩერდება, სანამ იძულებული არ გახდება გაჩერდეს.

 

ამასთანავე, როგორც ზელენსკიმ აღნიშნა, რუსეთმა უკრაინაში ასეულობით საკვანძო ინფრასტრუქტურა გაანადგურა, მათ შორის სულ მცირე 300 ჰოსპიტალი.

 

როგორც ზელენსკიმ აღნიშნა, ათობით ათასი რუსი ჯარისკაცი კვლავ იკრიბება შემდგომი თავდასხმების განსახორციელებლად.

 

„უკრაინას სჭირდება მეტი დახმარება, თუ ის უნდა გადაურჩეს ომს“, - განაცხადა ზელენსკიმ.

 

 

წყარო  :  IPN /www.interpressnews.ge/

წაკითხულია : 262


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები