პოლიტიკა

ჯონათან ჯანოგლი: საქართველოს უსაფრთხოება მჭიდრო კავშირშია ალიანსში გაწევრიანებასთან

12.05.22 17:40


უკრაინა დიდი სახელმწიფოა, იგი შეიძლება შეიარაღდეს და შვეიცარიის სტილის ნეიტრალიტეტი გამოაცხადოს. ეს ძალიან რთული იქნება საქართველოსთვის, - ამის შესახებ საქართველოს საკითხებზე დიდი ბრიტანეთის პარტიათაშორისი საპარლამენტო მეგობრობის ჯგუფის თავმჯდომარემ, ჯონათან ჯანოგლიმ განაცხადა.

 

„ჩვენ უდიდესი სახელმწიფო ვართ და ვართ ნატოს წევრი. გვაქვს ძალაუფლება. გვაქვს იარაღის წარმოების ინდუსტრია, საქართველოს არ აქვს. ჩვენ ალიანსის წევრი ვართ, თუ თავს დაგვეხსმიან, გვაქვს ალიანსის მხარდაჭერა. საქართველოს არ აქვს.

მათ კონსტიტუციაში ჩაწერილია სურვილი, რომ გაწევრიანდნენ ალიანსსა და ევროკავშირში. უკრაინამ სამშვიდობო მოლაპარაკებების დროს ახსენა, რომ შესაძლოა ნეიტრალური სტატუსი განიხილოს და აღარ შეუერთდნენ ნატოს, რეფერენდუმის საფუძველზე. ეს საქართველოსთვის მნიშვნელოვან სტრატეგიულ პრობლემას წარმოადგენს. უკრაინა დიდი სახელმწიფოა, იგი შეიძლება შეიარაღდეს და შვეიცარიის სტილის ნეიტრალიტეტი გამოაცხადოს. ეს ძალიან რთული იქნება საქართველოსთვის. უკრაინამ ომის დაწყების დღეს იმაზე დიდი ტერიტორია დაკარგა, ვიდრე საქართველოს მთლიანად გააჩნია. ასე რომ ზომებსაც უნდა შევხედოთ, საქართველოს უსაფრთხოება მჭიდრო კავშირშია ალიანსში გაწევრიანებასთან. თუკი უკრაინა ნეიტრალური სახელმწიფო იქნება, რუსეთის მთელი ყურადღება საქართველოზე გადაინაცვლებს“, - განაცხადა ჯანოგლიმ.

 

კითხვაზე, თუ რუსეთი უკრაინაში მოიგებს, რამდენად რეალურია საქართველოში შეჭრა? ჯანოგლის პასუხი ასეთია: „ეს შესაძლებელია და ცხადია ქართველებს ეს ძალიან აშფოთებთ. მათ ახსოვთ 2008 წლის ომი, როდესაც საქართველო სრულიად მარტო დატოვეს. თუმცა მონეტას მეორე მხარეც აქვს. რუსეთს უყვარს, რომ მეზობელ ქვეყნებს ნეიტრალურად ეპყრობა, საქართველოს უამრავი რუსი სტუმრობს, შეიძლება რუსეთს არ სურს გაღიზიანება, თუმცა ამ კითხვებზე პასუხი მხოლოდ პუტინს აქვს. სავსებით მესმის ქართველების შიში პოტენციურ საფრთხეებზე, შესაძლო შეჭრაზე“.

 

 

წყარო :  /www.imedinews.ge/

წაკითხულია : 325


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები