პოლიტიკა

ელისო ბოლქვაძე სომხეთის ეროვნული კრების მეცნიერების, განათლების, კულტურის, დიასპორის, ახალგაზრდობისა და სპორტის კომიტეტის თავმჯდომარეს, სისაკ გაბრიელიანს შეხვდა

27.06.22 13:20


საქართველოს პარლამენტის კულტურის კომიტეტის თავმჯდომარე ელისო ბოლქვაძე სამუშაო ვიზიტით სომხეთის რესპუბლიკაში იმყოფება.

 

საქართველოს პარლამენტის პრესსამსახურის ინფორმაციით, ვიზიტის ფარგლებში, ელისო ბოლქვაძემ ერევანში შეხვედრა გამართა სომხეთის ეროვნული კრების მეცნიერების, განათლების, კულტურის, დიასპორის, ახალგაზრდობისა და სპორტის მუდმივმოქმედი კომიტეტის თავმჯდომარე, სისაკ გაბრიელიანთან და კომიტეტის წევრებთან.

 

შეხვედრაზე საქართველოსა და სომხეთს შორის დიპლომატიური ურთიერთობების აღდგენის საიუბილეო თარიღის, 30 წლისთავის შესახებ ისაუბრეს. მხარეებმა კულტურის სფეროს რეგულაციებთან დაკავშირებით ხედვები და მოსაზრებები გაუზიარეს ერთმანეთს. საუბარი შეეხო სახელოვნებო განათლების მიმართულებით საკანონმდებლო რეგულაციებს.

 

„ხაზი გაესვა, რომ სომხეთის ხელისუფლების სამოქმედო გეგმის ერთ-ერთ პრიორიტეტს საქართველოსთან ურთიერთობის გაძლიერება წარმოადგენს.

შევთანხმდით სახელოვნებო განათლების მიმართულებით გამოცდილების გაზიარებაზე და სხვადასხვა ღონისძიებებში ორი ქვეყნის ხელოვანების ჩართულობაზე. ოქტომბერში დავგეგმეთ სომხეთის ეროვნული კრების, მეცნიერების, განათლების, კულტურის, დიასპორის, ახალგაზრდობისა და სპორტის კომიტეტის წევრების ვიზიტი საქართველოში“,- განაცხადა ელისო ბოლქვაძემ.

 

 

წყარო :  /www.imedinews.ge/

წაკითხულია : 145


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები