პოლიტიკა

პარლამენტმა საგაზაფხულო სესია ისე დაასრულა, რომ სახალხო დამცველს არ მოუსმინა

27.06.22 16:00


პარლამენტმა საგაზაფხულო სესია ისე დაასრულა, რომ სახალხო დამცველს არ მოუსმინა.

 

ადამიანის უფლებათა მდგომარეობის შესახებ ყოველწლიური ანგარიში ომბუდსმენმა პარლამენტში მარტის ბოლოს წარადგინა, თუმცა ანგარიში ადამიანის უფლებათა დაცვის კომიტეტს ამ დრომდე არ განუხილავს და შესაბამისად, განსახილველად არც პლენარულ სხდომაზე გასულა. რეგლამენტის გათვალისწინებით კი, სახალხო დამცველს პარლამენტი საგაზაფხულო სესიაზე უსმენს - პარლამენტის რეგლამენტში პირდაპირ წერია, რომ სახალხო დამცველი წელიწადში ერთხელ, საგაზაფხულო სესიაზე წარადგენს მოხსენებას ყოველწლიურ ანგარიშთან დაკავშირებით, რომლის საფუძველზედაც პარლამენტი დადგენილებას ან რეზოლუციას იღებს. ეს წესი აქამდე არასდროს დარღვეულა.

 

ამავე კონტექსტში აღსანიშნავია მთავარი პროკურორისა და იურიდიული დახმარების სამსახურის მიერ მომზადებული ანგარიშები - ამ ორი უწყების არც წინ წლის ანგარიში და არც მიმდინარე წელს წარდგენილი დოკუმენტი პარლამენტს ჯერ არ განუხილავს.

 

 

წყარო  :  IPN /www.interpressnews.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები