პოლიტიკა

ნინო წილოსანი და მიხეილ სარჯველაძე სომხეთის რესპუბლიკის დელეგაციის წევრებს შეხვდნენ

28.06.22 15:20


გენდერული თანასწორობის მუდმივმოქმედი საპარლამენტო საბჭოს თავმჯდომარემ ნინო წილოსანმა და ამავე საბჭოს წევრმა, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ შეხვედრა გამართეს სომხეთის რესპუბლიკის დელეგაციის წევრებთან, რომლებიც საქართველოში ქალთა მიმართ და ოჯახში ძალადობის პრევენციისა და ძალადობის წინააღმდეგ ბრძოლის საკითხებზე საქართველოს გამოცდილების გაცნობის მიზნით იმყოფებიან.

 

„ვუმასპინძლეთ სომხეთის დელეგაციის წევრებს - ესენი არიან ის ადამიანები, რომლებიც სტამბოლის კონვენციის რატიფიცირებაზე და თავიანთი ქვეყნის კანონმდებლობაში იმ ცვლილებების ასახვაზე მუშაობენ, რომლებიც ქალთა მიმართ ოჯახში ძალადობის წინააღმდეგ არის აუცილებელი. სომხეთის რესპუბლიკას ამ მიმართულებით მთელი რიგი ცვლილებები უკვე მომზადებული აქვთ, ძირითადი ნაწილი კი ალბათ სამომავლოდ ექნებათ მისაღები. ჩვენ გავაცანით მათ ის პროცესი, რაც საქართველომ სტამბოლის კონვენციის რატიფიცირებისას გაიარა, ვესაუბრეთ იმ პრობლემებზე, ბარიერებსა თუ წინააღმდეგობებზე, რაც მთელი ამ პროცესის პერიოდში გამოიკვეთა და, რა თქმა უნდა, მათ ჩვენი საუკეთესო პრაქტიკაც გავუზიარეთ“, - განაცხადა ნინო წილოსანმა შეხვედრის შემდეგ.

 

სომხეთის რესპუბლიკის დელეგაციის შემადგენლობაში არიან შრომის და სოციალური დაცვის სამინისტროს, იუსტიციის სამინისტროს, შრომის და სოციალური საკითხების კვლევის ეროვნული ინსტიტუტის, სახალხო დამცველის ოფისის და სტატისტიკის სამსახურის წარმომადგენლები.

 

შეხვედრაში მონაწილეობდნენ საქართველოში ევროკავშირის დელეგაციის წარმომადგენლები.

 

 

 

წყარო :  /www.imedinews.ge/

წაკითხულია : 370


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები