პოლიტიკა

გიორგი ვაშაძე - ჩვენი ევროპელი პარტნიორები ეროვნული თანხმობის მთავრობის შექმნის ინიციატივას დადებითად აფასებენ

28.06.22 16:00


„სტრატეგია აღმაშენებლის“ ლიდერები გიორგი ვაშაძე და სერგო ჩიხლაძე ბრიუსელში, ევროპარლამენტში შეხვედრებს აგრძელებენ. ინფორმაციას ამის შესახებ „სტრატეგია აღმაშენებელი“ ავრცელებს.

 

გიორგი ვაშაძის თქმით, ALDE-ს წარმომადგენლებთან დღეს გამართულ შეხვედრაზე ვიცე-პრეზიდენტმა და ევროპარლამენტარმა, სვენია ჰანმა საქართველოს მხარდაჭერა კიდევ ერთხელ გამოუცხადა.

 

ვაშაძის განცხადებით, ევროპელი პარტნიორები ეროვნული თანხმობის მთავრობის შექმნის ინიციატივას დადებითად აფასებენ.

 

„ევროპარლამენტში დიდი ხანია, რაც ინფორმირებულები არიან საქართველოში მიმდინარე პროცესებზე. ALDE-ს ვიცე პრეზიდენტი და ევროპარლამენტარი სვენია ჰანი დადებითად აფასებს ინიციატივას, რაც არის ეროვნული თანხმობის შექმნა.

როგორც ალდეში ასევე, ევროპარლამენტშიც თვლიან, რომ ეს არის ერთადერთი გამოსავალი, რომელიც წლის ბოლომდე რეფორმების განხორციელებას უზრუნველყოფს, ასევე, დეპოლარიზაციის პროცესს და ყველა მხარის პროცესში ჩართულობას ხელს შეუწყობს. დიახ, სწორედ ამაში ხედავენ ისინი გამოსავალს და „სტრატეგია აღმაშენებლის“ და სხვა ოპოზიციური პარტიების წინადადებას მხარს უჭერენ, რომელიც ასევე არის ქართველი ხალხის დაკვეთა. ჩვენი ევროპელი პარტნიორები ეროვნული თანხმობის მთავრობის შექმნის ინიციატივას დადებითად აფასებენ,“ - განაცხადა გიორგი ვაშაძემ.

 

 

 

წყარო  :  IPN /www.interpressnews.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები