პოლიტიკა

გრიგოლ ვაშაძე ევროკავშირის 12-პუნქტიან გეგმასთან დაკავშირებით პარლამენტში დაწყებულ კონსულტაციებში ჩართვას არ აპირებს

08.07.22 11:40


დამოუკიდებელი დეპუტატის გრიგოლ ვაშაძის განცხადებით, ევროკავშირის 12-პუნქტიან გეგმასთან დაკავშირებით პარლამენტში დაწყებულ კონსულტაციებში ჩართვას ჯერჯერობით არ აპირებს.

 

გრიგოლ ვაშაძემ საქართველოს პირველ არხთან ისაუბრა პირობებზე, რა შემთხვევაშიც სერიოზულად დაფიქრდებოდა მსგავსი ფორმატის კონსულტაციებში მონაწილეობაზე.

 

„სამწუხაროდ, არ ჩავერთვები და ვერ ჩავერთვები. მიხეილ სააკაშვილი გადაყვანილი რომ იყოს საზღვარგარეთ სამკურნალოდ და მის სიცოცხლეს, ჯანმრთელობას საფრთხე არ ემუქრებოდეს, მაშინ სერიოზულად დავფიქრდებოდი. მეორე, რატომ არ და ვერ ჩავერთვები ჯერჯერობით – კომისიები არ უნდა იმ რეფორმების განხორციელებას, რაც ევროკავშირმა გვთხოვა და რაზეც ისინი ბოლო რამდენიმე წელია, მუდმივად გველაპარაკებიან. მათ შორის ეს არის საარჩევნო კანონმდებლობა, მართლმსაჯულების სისტემა და დეპოლარიზაცია. ეს ერთ წამში კეთდება. ნახევარი წელიწადია, შარლ მიშელის დოკუმენტზე მუშაობისას ფაქტობრივად ყველა ეს თემა შეთანხმებული იყო და საგზაო რუკა მომზადებული, რათა მაქსიმალურად სწრაფად გაგვეკეთებინა“, – განაცხადა ვაშაძემ.

 

 

წყარო : /www.ghn.ge/

წაკითხულია : 271


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები