პოლიტიკა
12.07.22 15:40
პარტია „ლელოს“ წევრის ბადრი ჯაფარიძის განცხადებით, ირაკლი ღარიბაშვილის წერილი პირდაპირი დასაბუთება და დადასტურებაა იმისა, რომ ქვეყანაში არის ოლიგარქიული მმართველობა.
მისივე თქმით, ევროკავშირის მიერ დაწესებული პირობის შესასრულებლად საჭიროა ახალი მთავრობის ფორმირება.
„ევროკავშირის პირველი მოთხოვნა დეოლიგარქიზაციაა. დღევანდელი მმართველობა, მისი შემადგენლობით და არსით, ევროკავშირის მიერ არ მიიჩნევა ისეთ მმართველობად, რომელიც იმსახურებს ქვეყნისთვის კანდიდატის სტატუსის მიცემას. ღარიბაშვილის წერილი პირდაპირი დასაბუთება და დადასტურებაა იმისა, რომ ქვეყანაში არის ოლიგარქიული მმართველობა. ჩემმა ახალგაზრდა კოლეგამ დათვალა, პრემიერ-მინისტრის წერილში 38-ჯერ არის ნახსენები ბიძინა ივანიშვილი. ეს სწორედ იმის მაჩვენებელია, რომ ამ პრობლემის გადაჭრის, დეოლიგარქიზაციის გარეშე ჩვენს ქვეყანას არანაირი პერსპექტივა არ აქვს, რომ მიიღოს ევროკავშირის წევრობის კანდიდატის სტატუსი.
თვითონ ღარიბაშვილი ამბობს, რომ ძალოვანი უწყებების ხელმძღვანელები არიან ის ადამიანები, რომლებიც დაახლოვებული არიან ბიძინა ივანიშვილთან. მთავრობის მთავარი ღერძი შედგენილია სწორედ იმ ადამიანებისგან, რომლებიც შერჩეული არიან ბიძინა ივანიშვილისადმი ლოიალურობის პრინციპიდან და კრიტერიუმიდან გამომდინარე. ესაა ოლიგარქიული მმართველობა, ანუ პიროვნება, რომელიც თავისი სიმდიდრით ქვეყნის ბიუჯეტის მესამედს ფლობს, მაგრამ ასეთ ადამიანთან აფილირებული პირები არიან ძალოვანი სტრუქტურების ხელმძღვანელები და პრემიერ-მინისტრი მასთან პირდაპირ აფილირებული ადამიანია.
ჩვენ ეს დიდი პრობლემა რომ გადავლახოთ და შევასრულოთ პირობა, რომელიც ევროკავშირმა დაგვიწესა, საჭიროა ახალი მთავრობის ფორმირება, რომელიც არ იქნება ფორმირებული ივანიშვილთან დაახლოებული ადამიანებისგან, არამედ ფორმირებული იქნება პროფესიონალებისგან. რაც უნდა ბევრი წერილი დაწეროს პრემიერ-მინისტრმა, ამით პირიქით, ხელს უწყობს იმ წარმოდგენის და ხედვის განმტკიცებას, რომ ქვეყანაში მართლაც ფესვები აქვს გადგმული ოლიგარქიულ მმართველობას და სამწუხაროდ, გარკვეულწილად ეს იღებს კერპთაყვანისმცემლობის სახესაც, რაც ძალიან ცუდია პირველ როგში ივანიშვილისთვის. მას უფრო უზრდის რისკებს და ჩვენს ქვეყანას უმცირებს შანსებს, რომ მივიღოთ კანდიდატის სტატუსი.
ბოლო გამოკვლევებით ჩვენი მოსახლეობის 70 პროცენტი ფიქრობს, რომ ევროკავშირის გზაზე დღეს დაბრკოლებას წარმოადგენს ბიძინა ივანიშვილი. ამ ადამიანების მოსაზრებების იგნორირება ძალიან დიდი საფრთხის შემცველია. ქვეყანა ჩაფლულია ოლიგარქიულ მმართველობაში და დეოლიგარქიაზე უნდა იყოს გადაწყვეტილება მიღებული. ჩვენი დასავლელი მეგობრები და ევროკავშირი გვეუბნებიან, რომ შეუძლებელია, ევროკავშირის ოჯახში შეხვიდე იმ ტიპის მმართველობით, რომელიც დღეს საქართველოშია ჩამოყალიბებული. შენს წერილში 38-ჯერ რომ ახსენებ პიროვნებას, მიუთითებს, რომ ეს პიროვნება შენი ხელმძღვანელია. ფაქტობრივად, მიმდინარეობს საუბარი ივანიშვილის გარემოცვაში შემავალი პირების დასანქცირებაზე, გარკვეული მოსამართლეების დასანქცირებაზე, რაც არ უნდა გადაეფაროს კობახიძე თუ პაპუაშვილი ამ თუ იმ მოსამართლეს, რომელიც პირდაპირ ბრძანებებს და დავალებებს ასრულებენ“, – განაცხადა ბადრი ჯაფარიძემ.
რაც შეეხება ივანიშვილის პოლიტიკაში დაბრუნების საკითხს, ბადრი ჯაფარიძის განმარტებით, თავად ივანიშვილს არ სურს, იყოს პირველ ხაზზე და მისთვის კომფორტულია, როგორ რეჟიმშიც იმყოფება. „ამის მიმართ დიდი მოლოდინი არ მაქვს. პოლიტიკაში მისი დაბრუნება უფრო გაართულებდა კიდეც საქმეს. ცუდია პოლიტიკაში ასეთი ტიპის პროგნოზების კეთება, მაგრამ ჩვენ უნდა ვისაუბროთ იმაზე, რომ გვჭირდება დეოლიგარქიზაცია“, – დასძინა ბადრი ჯაფარიძემ.
საქართველოს პრემიერ-მინისტრმა ირაკლი ღარიბაშვილმა დღეს განცხადება გაავრცელა, სადაც აღნიშნავს, რომ „არა მხოლოდ მას, არამედ სახელმწიფოსაც შეურაცხყოფს, როდესაც ვიღაც ამტკიცებს, რომ პრემიერი ფარსის ნაწილია და პოლიტიკიდან გასული ადამიანისგან იმართება“. ირაკლი ღარიბაშვილი ამბობს, რომ ბიძინა ივანიშვილის მიერ პოლიტიკიდან გასვლისას დატოვებულ თამაშის წესებთან, რომელიც არის სამშობლოს სიყვარული და კანონის პატივისცემა, სრულიად შეუთავსებელია ოლიგარქიული მმართველობის შესახებ ყალბი ბრალდება. ამავდროულად, ირაკლი ღარიბაშვილი აღნიშნავს, რომ კამპანიის ავტორებმა უნდა განმარტონ, რას გულისხმობენ, როდესაც ოლიგარქსა და დეოლიგარქიზაციაზე საუბრობენ.
წყარო : /www.1tv.ge/
წაკითხულია : 136
დატოვეთ კომენტარები
ახალი ამბები
-
11:1018.05.24
-
18:0017.05.24
-
17:2517.05.24
-
17:0017.05.24
-
ესტონეთის საგარეო მინისტრი - შესაძლოა, გადავხედოთ გადაწყვეტილებას ვიზალიბერალიზაციასთან დაკავშირებით
16:4117.05.24
-
კახა კალაძე - სალომე ზურაბიშვილი არის კონსტიტუციის პირველი დამრღვევი
16:2017.05.24
-
15:5317.05.24
-
პრემიერი - არიან ძალები, რომლებიც ცდილობენ საზოგადოების ხელოვნურად გახლეჩას
15:3017.05.24
-
15:1117.05.24
-
გიორგი კახიანი - პრეზიდენტის მიზანი არის მდგომარეობის რადიკალიზაცია
14:4217.05.24
-
მეუფე შიო - „გამჭვირვალობის კანონის“ მომხრეთა და მოწინააღმდეგეთა შორის არიან ეკლესიის წევრები
14:0017.05.24
-
ბათუმში ოჯახის სიწმინდის დღეს აღნიშნავენ
13:2217.05.24
-
12:5517.05.24
-
გიორგი აბაშიშვილი - ლარის მოკლევადიანი პერიოდის რყევა გამოიწვია აჟიოტაჟმა და პანიკურმა ვითარებამ
12:3217.05.24
-
ჩინეთი საქართველოში ჩინური მანქანების ბაზრობის გახსნას გეგმავს
12:1017.05.24
-
საქართველოს თავდაცვის ძალების მეთაური ნატო-ს სამხედრო კომიტეტის თავმჯდომარეს შეხვდა
11:4717.05.24
-
ქვემო ქართლის პოლიციამ ოჯახის წევრის განზრახ მკვლელობის ბრალდებით ერთი პირი ცხელ კვალზე დააკავა
11:0017.05.24
-
10:3517.05.24
-
შალვა პაპუაშვილი - ოჯახის სიწმინდე ჩვენი სახელმწიფოს საფუძველია
10:0017.05.24
-
ირაკლი ღარიბაშვილი საქართველოში საფრანგეთის ელჩს შეხვდა
18:0016.05.24
-
17:2516.05.24
-
17:0016.05.24
-
სახალხო დამცველი საოკუპაციო ხაზთან მდებარე სოფლების მოსახლეობას შეხვდა
16:4016.05.24
-
ირაკლი კობახიძემ მუსტაფა ქემალ ათათურქის საფლავი გვირგვინით შეამკო
16:2016.05.24
-
15:4816.05.24
-
პრემიერის ოფიციალური ვიზიტი თურქეთის რესპუბლიკაში დაიწყო
15:2016.05.24
-
15:0016.05.24
-
14:3216.05.24
-
საქართველოს ეროვნული ბანკი - ეროვნულმა ბანკმა ბაზარს სტაბილიზაციის მიზნით 60 მილიონი დოლარი მიაწოდა
14:0516.05.24
-
შალვა პაპუაშვილი ლანდსბერგისის განცხადებაზე - სუვერენიტეტის ნაწილის დათმობა არ გულისხმობს ჩაბარებას
13:4116.05.24
-
გადის თუ არა საქართველო „ევრომაიდანსა“ და „მწვანე კაცუნებს“ შორის ზღვარზე?
13:2416.05.24
-
კახა კალაძე - ქვეყანაში არსებულ პოლარიზაციას უცხოელი პოლიტიკოსები ხელს უწყობენ
13:0516.05.24
-
12:4016.05.24
-
მთაწმინდაზე ხანძარი გაჩნდა, დაშავდა ერთი ადამიანი
12:2016.05.24
-
12:0016.05.24
-
მთავრობის დადგენილებით 17 მაისი უქმე დღედ გამოცხადდა
11:3616.05.24