პოლიტიკა

მაკა ბოჭორიშვილმა საპარლამენტო დელეგაციასთან ერთად, უნგრეთში შეხვედრები გამართა

29.09.22 12:20


საქართველოს საპარლამენტო დელეგაცია, ევროპასთან ინტეგრაციის კომიტეტის თავმჯდომარის, მაკა ბოჭორიშვილის ხელმძღვანელობით, უნგრეთში იმყოფებოდა.

 

პარლამენტის პრესსამსახურის ინფორმაციით, სამუშაო ვიზიტის ფარგლებში, შეხვედრები გაიმართა უნგრეთის სახელმწიფო მინისტრთან უსაფრთხოების საკითხებში, ეროვნული ასამბლეის ვიცე-სპიკერთან; საგარეო ურთიერთობათა კომიტეტის თავმჯდომარესთან და კომიტეტის წევრებთან ასევე, ევროპულ საქმეთა კომიტეტის თავმჯდომარის მოადგილესთან.

 

„შეხვედრებისას, მხარეებმა განიხილეს საქართველოს მიერ ევროკომისიის რეკომენდაციების შესრულების პროცესი ამ მიზნით, პარლამენტში მოქმედი სამუშაო ჯგუფების საქმიანობა და დაგეგმილი საკანონმდებლო ცვლილებები.

 

ხაზი გაესვა საქართველოსთვის ევროკავშირის წევრობის პერსპექტივის მინიჭების ისტორიულ მნიშვნელობას და ამ კონტექსტში, უნგრეთის მხარდაჭერას საქართველოს ევროკავშირში ინტეგრაციის პროცესში.

 

შეხვედრისას, საუბარი შეეხო ქვეყნებს შორის საპარლამენტო ურთიერთობების ორმხრივ და მრავალმხრივ ფორმატებში გაღრმავების ასევე, სავაჭრო-ეკონომიკურ და ტურიზმის სფეროებში თანამშრომლობის შემდგომი განვითარების შესაძლებლობებს.

 

მხარეებმა განიხილეს უკრაინაში რუსეთის ომის შედეგად, რეგიონში შექმნილი გეოპოლიტიკური ვითარება და უსაფრთხოების საკითხები.

 

ყურადღება გაამახვილეს საქართველოს ნატო-ში ინტეგრაციის პროცესსა და ამ კუთხით ქვეყნის მიერ მიღწეულ ხელშესახებ პროგრესზე. შეხვედრებისას, საერთო ევროატლანტიკური უსაფრთხოების უზრუნველყოფაში  საქართველოს მნიშვნელოვანი წვლილი აღინიშნა.

 

უნგრელი კოლეგების მხრიდან ხაზი გაესვა საქართველოს სუვერენიტეტისა და ტერიტორიული მთლიანობის ასევე, ქვეყნის ევროპული და ევრო-ატლანტიკური ინტეგრაციის უპირობო მხარდაჭერის გაგრძელებას.

 

საპარლამენტო დელეგაციის შემადგენლობაში იყვნენ საგარეო ურთიერთობათა კომიტეტის წევრი ირაკლი ჩიქოვანი და ევროპასთან ინტეგრაციის კომიტეტის წევრი ჰერმან საბო“,- აღნიშნულია პარლამენტის პრესსამსახურის ინფორმაციაში.

 

 

წყარო :  /www.1tv.ge/

წაკითხულია : 217


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები