პოლიტიკა

მამუკა მდინარაძე: ჩვენ რომ პირდაპირ გადმოვიტანოთ დეოლიგარქიზაციის შესახებ უკრაინული კანონი, არაერთი ადამიანი მოხვდება, როგორც ოლიგარქი, ოპოზიციის მხრიდან და არც ერთი მმართველი გუნდის მხრიდან

30.09.22 13:00


ჩვენ ვიცით, რომ იმ კანონის კოპირება, რომელიც აქვთ უკრაინელებს და მათი მხრიდან გაგზავნილია ვენეციის კომისიაში, გამოიწვევს არაერთი ადამიანის ამ კრიტერიუმებში მოხვედრას. ანუ, ჩვენ რომ პირდაპირ გადმოვიტანოთ ეს კანონი, არაერთი ადამიანი მოხვდება, როგორც ოლიგარქი, ოპოზიციის მხრიდან და არც ერთი მმართველი გუნდის მხრიდან, - ამის შესახებ ფრაქცია „ქართული ოცნების“ თავმჯდომარე, მამუკა მდინარაძემ პარლამენტში ჟურნალისტებთან განაცხადა.

 

„ისინი ხვდებიან, რომ 2 ცეცხლს შუა არიან, ჩიხში არიან შესულები - თან ითხოვენ დეოლიგარქიზაციის და ამით ვითომ მხარს უჭერენ რეკომენდაციების შესრულებას. მეორე მხრივ, ხვდებიან, რომ თუ ეს პროცესი რეალურად შედგა და კანონმდებლობაში აისახა ეს ყველაფერი, ეს იმას ნიშნავს, რომ მათ არაერთ წარმომადგენელსა და დამფინანსებელს შეეხება ეს ამბავი. ამიტომ ახლა იმაზე ფიქრობენ, ამ ჩიხიდან გამოსავალი როგორ იპოვონ - თან უნდათ, რომ ვითომ მხარი დაუჭირონ და თან კანონის გადმოტანას მიღებას ეწინააღმდეგებიან, რადგან ეს ყველაფერი მხოლოდ და მხოლოდ მათ დააზიანებს“, - განაცხადა მდინარაძემ.

 

 

 

წყარო :  /www.imedinews.ge/

წაკითხულია : 271


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები