პოლიტიკა

გივი მიქანაძემ ევროკომისიის 12 პუნქტიანი რეკომენდაციის შესრულებაზე, ბულგარეთში საინფორმაციო შეხვედრა გამართა

30.09.22 17:30


საქართველოს პარლამენტის წევრი, გივი მიქანაძე ევროპის საბჭოს საპარლამენტო ასამბლეის სადამკვირვებლო მისიის ფარგლებში, ბულგარეთში გასამართ საპარლამენტო არჩევნებზე დამკვირვებლად იმყოფება, - ამის შესახებ ინფორმაციას პარლამენტის პრესსამსახური ავრცელებს.

 

მათივე ინფორმაციით, 30 სექტემბერს, ბულგარეთსა და ჩრდილოეთ მაკედონიაში საქართველოს საელჩოს ორგანიზებით, გივი მიქანაძემ სოფიაში აკრედიტებულ ელჩებთან და საელჩოს წარმომადგენლებთან შეხვედრა გამართა.

 

შეხვედრის მიზანს ევროკომისიის მიერ საქართველოსთვის ევროკავშირის კანდიდატის სტატუსის მისანიჭებლად განსაზღვრული 12 რეკომენდაციის შესრულების მიმდინარეობაზე ინფორმაციის მოსმენა წარმოადგენდა.

 

გივი მიქანაძემ შეხვედრის მონაწილეებს რეკომენდაციების შესრულების მიზნით გაწეულ სამუშაოებზე, უკვე დაინიცირებულ კანონპროექტებსა და მათი განხორციელების ვადებზე დეტალურად ისაუბრა.

 

შეხვედრა კითხვა-პასუხის რეჟიმში წარიმართა, რა დროსაც გივი მიქანაძემ დამსწრე საზოგადოებას იმ გამოწვევების თაობაზე, რის წინაშეც ქვეყანა რეგიონში შექმნილი ურთულესი ვითარებიდან გამომდინარე დგას, ქართული მხარის მიდგომები გააცნო. მან ასევე საქართველოს მხრიდან უკრაინის მხარდასაჭერად განხორციელებული პოლიტიკური და ჰუმანიტარული აქტივობების თაობაზე ისაუბრა.

 

შეხვედრის დასასრულს, უკრაინის ელჩმა ქართულ მხარეს უკრაინისთვის გაწეული თანადგომისა და სოლიდარობისთვის მადლობა გადაუხადა.

 

სოფიის ევროკავშირის წარმომადგენლობაში გამართულ შეხვედრას იტალიის, ირლანდიის, ალბანეთის, სლოვენიისა და უკრაინის ელჩები, მოლდოვის დესპანი, სომხეთისა და საქართველოს საელჩოს წარმომადგენლები და კონრად ადენაუერის ბულგარეთის ოფისის ხელმძღვანელი დაესწრნენ.

 

 

 

წყარო :  /www.imedinews.ge/

წაკითხულია : 244


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები