პოლიტიკა

იაგო ხვიჩია - ოპოზიციამ „ქართულ ოცნებას“ მისცა საშუალება, ოპოზიციის მოედანზე გადმოაგდოს ბურთი და თქვას, რომ სტატუსის მიღება ჩვენ ჩავშალეთ

23.11.22 15:20


კარგია, რომ ჩვენს მეგობრებს არ ვავიწყდებით და გვეუბნებიან, თქვენი გზა აქეთ არისო, მაგრამ უნდა გამოვხატოთ რეალური ნება, რომ გვინდა, დასავლეთის ნაწილი ვიყოთ, ამ რეალური ნების გამოხატვას მთავრობა აგვიანებს, – ამის შესახებ „გირჩის“ წევრმა იაგო ხვიჩიამ განაცხადა.

 

იაგო ხვიჩია ევროპარლამენტში გამართულ დებატებს გამოეხმაურა.

 

„ჩვენ ახლა უნდა ვისარგებლოთ შესაძლებლობების იმ ფანჯარით, რომელიც უკრაინის ამბავმა სამყაროში გააჩინა. თუ ამას შევძლებთ, იქნება მაქსიმუმი, რისი წამოღებაც ამ პროცესიდან შეგვეძლება. ჩემი აზრით, გარანტირებული არ არის იმის თქმა, რომ ყოველთვის იქნება ასეთი ტიპის ფანჯრები და ყოველთვის გვექნება შანსი, თუ რაღაცნაირად ჩვენს ქმედებებში რაღაცებს შევცვლით. არ მგონია, რომ მხოლოდ განცხადებებს შეუძლია, რამე გააკეთოს. კარგია, რომ ჩვენს მეგობრებს არ ვავიწყდებით და გვეუბნებიან, თქვენი გზა აქეთ არისო, მაგრამ ამისთვის უნდა გამოვხატოთ რეალური ნება, რომ გვინდა, დასავლეთის ნაწილი ვიყოთ, ამ რეალური ნების გამოხატვას მთავრობა აგვიანებს“, – განაცხადა იაგო ხვიჩიამ.

 

ამასთან, ხვიჩიამ აღნიშნა, რომ ოპოზიციის ან მთავრობის მხარეს, თავიდანვე არ ყოფილა 12 პუნქტის შესრულების არც მოლოდინი და არც სურვილი.

 

„მთელ ამ პროცესში, ნებისმიერ შემთხვევაში მთავრობის პასუხისმგებლობა ყველაზე მეტია. ოპოზიციას რაც შეეხება, ოპოზიციამ არაკონსტრუქციული ქცევის თავისი მაქსიმუმი გამოავლინა და „ქართულ ოცნებას“ მისცა საშუალება, ოპოზიციის მოედანზე გადმოაგდოს ბურთი და თქვას, რომ სტატუსის მიღება ჩვენ ჩავშალეთ“, – განაცხადა იაგო ხვიჩიამ.

 

 

 

 

წყარო :  /www.1tv.ge/

წაკითხულია : 235


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები