პოლიტიკა

ხატია დეკანოიძის განცხადებით, „ნაციონალურ მოძრაობაში“ შიდა არჩევნების ჩატარების გადადების თაობაზე მსჯელობა მოუწევთ

01.12.22 13:40


ფრაქცია "ნაციონალური მოძრაობის" თავმჯდომარის, ხატია დეკანოიძის განცხადებით, პარტიაში შიდა არჩევნების ჩატარების გადადების თაობაზე მსჯელობა მოუწევთ. აღნიშნულის შესახებ მან ჟურნალისტებთან განაცხადა. მისივე თქმით, საკითხზე ჯერჯერობით არ უმსჯელიათ.

 

"ვერ ვეტყვით, გუშინ, სამუშაო ჯგუფის შეხვედრა იყო და რამდენადაც ვიცი, ეს საკითხი არ განხილულა. რა თქმა უნდა, მსჯელობა მოგვიწევს. ჩემს მეგობრებთან დღეს მქონდა კომუნიკაცია, მსჯელობას წინ არაფერი უდგას და მეტიც - ყველასთვის მთავარი საკითხი მიხეილ სააკაშვილის ჯანმრთელობის მდგომარეობა და სიცოცხლის გადარჩენაა. იმ ადამიანებისთვისაც, ვინც ჩართულია უშუალოდ კამპანიაში. მიხეილ სააკაშვილის გადარჩენა არის საკითხი, რომელიც ყველას გვაერთიანებს,"- განაცხადა დეკანოიძემ.

 

რაც შეეხება 3 დეკემბერს დაგეგმილ აქციას, დეკანოიძის თქმით, ის ამ აქციაზე მივა.

 

"მე პირადად აუცილებლად მივალ ამ აქციაზე, ყველგან მივალ, სადაც მიხეილ სააკაშვილის უფლებებს დაიცავენ და ნებისმიერი პოლიტპატიმრის უფლებებს. ეს არც არის სამსჯელო. მიხეილ სააკაშვილის სიცოცხლის უფლება არის ყველაზე მნიშვნელოვანი. ეს იქნება სოლიდარობის აქცია, მშვიდობის აქცია, არსებობს ბევრი ადამიანი, ვისაც სურს პროტესტი და მათთვის ეს არის უპირველესი საკითხი, ყველა ფრონტზე უნდა ვიბრძოლოთ, რომ ეს ადამიანი გადარჩეს. რაც შეეხება ქალბატონი გიულის პოზიციას, ვერ გეტყვით, არ ვიცი ნამდვილად, მისი გადასაწყვეტია,"- განაცხადა დეკანოიძემ.

 

 

 

წყარო  :  IPN /www.interpressnews.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები