პოლიტიკა

ალბათ მსოფლიოში პირველი შემთხვევაა, როდესაც ავადმყოფობას ჰყავს ლობისტი - მამუკა მდინარაძე

01.12.22 15:30


„ალბათ მსოფლიოში პირველი შემთხვევაა, როდესაც პიარ კომპანია ლობირებს თავისი პიარ სტრატეგიული მეთოდებით ავადმყოფობას და ამ ეგიდით ადამიანის გათავისუფლებაზე იღებს გარკვეულ პასუხისმგებლობას. ეს არის მსოფლიოში უპრეცედენტო შემთხვევა და საქმე გვაქვს მხოლოდ მიხეილ სააკაშვილის შემთხვევაში“, - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებს განუცხადა. 

 

მისი თქმით, სახელმწიფოს მხრიდან მუდმივად არის შეთავაზება, რომ თუ რამე საქართველოში არ აკმაყოფილებს პაციენტს, პატიმარს, მის ადვოკატს, ოჯახს, მათ დაიქირავონ უცხოელი ექიმები, რომლებიც დამატებით იზრუნებენ მის ჯანმრთელობის მდგომარეობაზე. ნაცვლად ამისა, მათ დაიქირავეს უცხოელი ლობისტები.

 

„ეს არის იმის პირდაპირი მტკიცებულება, რომ არასდროს ყოფილა არც სამედიცინო და არც სამართლებრივი სფერო სააკაშვილის მდგომარეობა მძიმე თუ არა მძიმე, ფეიკი თუ ნამდვილი, რეალურად თავიდანვე ეს იყო პოლიტიკური პროცესი. როგორც პოლიტიკურ კონტექსტში გვისვამენ ამასთან დაკავშირებით შეკითხვებს, როგორც პოლიტიკურ კონტექსტში ამუნათებენ სახელმწიფოს, ასევე პოლიტიკურ კონტექსტში გრძელდება და ალბათ მსოფლიოში პირველი შემთხვევაა, სხვა თუ არის მოიძიეთ, როდესაც ავადმყოფობას ჰყავს ლობისტი, როდესაც პიარ კომპანია ლობირებს თავისი პიარ სტრატეგიული მეთოდებით ავადმყოფობას და ამ ეგიდით ადამიანის გათავისუფლებაზე იღებს გარკვეულ პასუხისმგებლობას. ეს არის მსოფლიოში უპრეცედენტო შემთხვევა და გვაქვს საქმე მხოლოდ მიხეილ სააკაშვილის შემთხვევაში.

 

სახელმწიფოს მხრიდან მუდმივად არის შეთავაზება, რომ თუ რამე რეალურად და ობიექტურად საქართველოში არ აკმაყოფილებს პაციენტს, პატიმარს, მის ადვოკატს, ოჯახს, მათ დაიქირავონ უცხოელი ექიმები, რომლებიც დამატებით იზრუნებენ მის ჯანმრთელობის მდგომარეობაზე. ნაცვლად ამისა, მათ დაიქირავეს უცხოელი ლობისტები, „პიარშიკები“ იმისთვის, რომ ლობისტურმა კომპანიამ უზრუნველყოს ავადმყოფობის ლობირება, რაც უპრეცედენტოა. ეს არა მხოლოდ ეჭვებს აჩენს, ეს არის პირდაპირი მტკიცებულება, რომ მის პარტნიორებს, დავალების მიმცემებს, შემკვეთებს, რომ ჩამოსულიყო საქართველოში და აერია ეს ქვეყანა, არ აინტერესებთ მისი ჯანმრთელობის მდგომარეობა, არამედ აინტერესებთ აქედან გამომდინარე პიარული, პოლიტიკური და საქართველოსთვის მავნებლური შედეგი“, - განაცხადა მამუკა მდინარაძემ.

 

 

წყარო :  /www .pia.ge/

წაკითხულია : 307


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები