პოლიტიკა

ფილიპ რიკერი სომხეთსა და აზერბაიჯანს შორის მედიატორობაზე - ირაკლი ღარიბაშვილმა შეუცვლელი როლი ითამაშა დაკავებულთა გათავისუფლებაში და საბრძოლო ტერიტორიებზე დანაღმული ადგილების გამოაშკარავებაში

01.12.22 17:40


გასულ წელსაც ვიმყოფებოდი აქ და მჭიდროდ ვთანამშრომლობდი ქვეყნის ლიდერებთან, რათა მეზობელ ქვეყნებს - სომხეთსა და აზერბაიჯანს - შორის მედიატორის როლი შეგვესრულებინა. პრემიერ-მინისტრ ირაკლი ღარიბაშვილმა შეუცვლელი როლი ითამაშა დაკავებულთა გათავისუფლებაში და საბრძოლო ტერიტორიებზე დანაღმული ადგილების გამოაშკარავებაში, - ამის შესახებ კავკასიის მოლაპარაკებების საკითხებში აშშ-ის მთავარმა მრჩეველმა, ელჩმა, ფილიპ რიკერმა განაცხადა.

 

რიკერის თქმით, იგი მოხარულია, რომ კვლავ ჰქონდა შეხვედრა პრემიერ-მინისტრთან რეგიონალური საკითხების განსახილველად.

 

"მიხარია, რომ დავბრუნდი საქართველოში - ქვეყანაში, რომელიც კრიტიკულად მნიშვნელოვანია რეგიონალური მშვიდობის, სტაბილურობისა და ურთიერთ-დაკავშირებადობისთვის.

 

გასულ წელსაც ვიმყოფებოდი აქ და მჭიდროდ ვთანამშრომლობდი ქვეყნის ლიდერებთან, რათა მეზობელ ქვეყნებს - სომხეთსა და აზერბაიჯანს - შორის მედიატორის როლი შეგვესრულებინა. პრემიერ-მინისტრ ირაკლი ღარიბაშვილმა შეუცვლელი როლი ითამაშა დაკავებულთა გათავისუფლებაში და საბრძოლო ტერიტორიებზე დანაღმული ადგილების გამოაშკარავებაში.

 

ევროკავშირის მონიტორინგის მისიის მხარდაჭერის გზით საქართველო აგრძელებს რეგიონალური უსაფრთხოების საქმეში საკუთარი წვლილის შეტანას და მახარებს პრემიერ-მინისტრთან კვლავ შეხვედრა რეგიონალური საკითხების განსახილველად",- განაცხადა რიკერმა.

 

 

 

 

წყარო  :  IPN /www.interpressnews.ge/

წაკითხულია : 262


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები