პოლიტიკა

ხატია დეკანოიძე - ევროკომისიის დადებითი ანგარიში მნიშვნელოვანია ქვეყნისთვის, ვართ ეტაპზე, როდესაც კანდიდატის სტატუსი უნდა მივიღოთ, მაგრამ გამოწვევად და ვალდებულებად რჩება 12 პუნქტის შესრულება

03.02.23 17:00


ევროკომისიის დადებითი ანგარიში ძალიან მნიშვნელოვანია ჩვენი ქვეყნისთვის, რადგან უმნიშვნელოვანეს ეტაპზე ვართ, როდესაც საქართველომ კანდიდატის სტატუსი უნდა მიიღოს, მაგრამ ქვეყნისთვის გამოწვევად და ვალდებულებად რჩება 12 პუნქტის შესრულება, – ამის შესახებ „ნაციონალური მოძრაობის“ წევრმა, ხატია დეკანოიძემ განაცხადა.

 

დეკანოიძის თქმით, ეს ეხება განსაკუთრებით დემოკრატიის, მედიათავისუფლების, პოლიტიკური მართლმსაჯულების მიმართულებით საკითხებს.

 

„ასოცირების შეთანხმების მიხედვით, პროგრესი არ ავალდებულებს სახელმწიფოს, 12 პუნქტის უარყოფა მოხდეს. დემოკრატიისა და რეფორმების მიმართულებით, განსაკუთრებით მართლმსაჯულებისა და სასამართლოს სფეროში იყო შეშფოთების უპირველესი საგანი ჩვენი საერთაშორისო პარტნიორების და, შესაბამისად, გარღვევა ამ მიმართულებით არ მომხდარა. ასევე დიდი ყურადღება აქვს დასათმობი იმ ფაქტს, რომ, სამწუხაროდ, ჩვენი ხელისუფლების დიდი ნაწილი, მათ შორის უმრავლესობა პარლამენტში წარმოდგენილია ანტიდასავლური განცხადებებით. ეს განცხადებები ხშირ შემთხვევაში ეხმაურება იმ პროპაგანდას, რომელიც, მაგალითად, ჩვენ მოვისმინეთ რამდენიმე დღის წინ კრემლისგან, კერძოდ, ლავროვისგან. მესმის, ძალიან მნიშვნელოვანია ევროკომისიის შეფასება, მაგრამ ასევე უნდა გვესმოდეს, რომ არის კონკრეტული კრიტერიუმები რეფორმების კუთხით, რომელიც უნდა გააკეთოს და აღასრულოს საქართველომ, რათა მივიღოთ კანდიდატის სტატუსი.

 

ყველა სახელმწიფოს ჰქონდა თავისი ვალდებულებები. მათ შორის მათ, ვინც კანდიდატის სტატუსი მიიღეს – მოლდოვასა და უკრაინას. ასევე საქართველოს აქვს ვალდებულებები, რომლებიც წერილობით დამტკიცებულია ევროკომისიის მიერ. ეს არ არის ვალდებულებები, რომლებიც შეიძლება, სადმე აორთქლდეს ჰაერში და რეალურად საქართველო დარჩეს მხოლოდ ამ გზაზე, ვალდებულებების შესრულების გარეშე“, – განაცხადა ხატია დეკანოიძემ.

 

ევროკომისიამ საქართველოს მიერ ევროკავშირში გაწევრიანებაზე განაცხადის შესახებ ანგარიში გამოაქვეყნა.

 

 

წყარო :  /www.1tv.ge/

წაკითხულია : 352


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები