პოლიტიკა

ალეკო ელისაშვილი „ნაცმოძრაობაზე“: ყოველ მეორე კვირას ამბობენ ბოიკოტში ვართო და ხელფასს იღებენ – დატოვონ მანდატები, ვინმე უშლით ხელს?

08.02.23 11:40


დატოვონ მანდატები, ვინმე უშლით კაცო ხელს? რაც შემოვიდნენ, მას შემდეგ, ამბობენ, უნდა გავიდეთო, – ამის შესახებ პარტია „მოქალაქეების“ ლიდერმა, ალეკო ელისაშვილმა „პალიტრანიუსის“ ეთერში „ნაცმოძრაობის“ მხრიდან საპარლამენტო ბოიკოტის შესახებ მიღებულ გადაწყვეტილებაზე საუბრისას განაცხადა.

 

დეპუტატის თქმით, ბოიკოტში მყოფი ოპოზიციის წარმომადგენლები ხელფასს არ უნდა იღებდნენ.

 

„4 ათასი ლარი აქვს დეპუტატს ხელფასი, ყოველ მეორე კვირას ამბობენ ბოიკოტში ვართო და ხელფასს იღებენ. პატიოსანი კაცი თუ ხარ, თქვი ძმაო, რამდენჯერაც ვიტყვი, რომ ბოიკოტში ვარ, იმდენჯერ ხელფასს არ ავიღებ. სამსახურში მოსვლა ეზარებათ. დილით მოაწყობენ პრესკონფერენციას, იტყვიან ბოიკოტის რეჟიმში ვარო და საღამოს ქეიფობენ. რას ჰგავს, რა საქციელია ეს?! დატოვონ მანდატები, ვინმე უშლით კაცო ხელს? რაც შემოვიდნენ, მას შემდეგ, ამბობენ, უნდა გავიდეთო. გადით კაცო, ეს დალოცვილი“, – განაცხადა ელისაშვილმა.

 

შეგახსენებთ, რომ მას შემდეგ, რაც თბილისის საქალაქო სასამართლომ ექსპრეზიდენტ მიხეილ სააკაშვილისთვის სასჯელის გადავადების ან პატიმრობიდან გათავისუფლების თაობაზე უარი თქვა, „ნაციონალურმა მოძრაობამ“ საპარლამენტო საქმიანობის შეწყვეტის შესახებ განაცხადა და საპროტესტო აქციები დააანონსა.

 

 

წყარო :  /www.kvira.ge/

წაკითხულია : 145


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები