ანალიტიკა

აფხაზეთში „ნაალაფევი სახლები“ ჩამოსახლებულებს სეპარატისტული „ბინების შესახებ კანონით“ გადაეცემათ

13.02.23 18:30


ოკუპანტებმა და სეპარატისტულმა ხელისუფლებამ, როგორც ჩანს იპოვეს გზა გვერდი, რომ აევლოთ  სეპარატისტული „კანონის“ დებულებებისათვის, რომელიც კრძალავს აფხაზეთში უძრავი ქონების მიყიდვას სეპარატისტული „მოქალაქეობის“ არმქონე პირებზე. საუბარია სეპარატისტული „პარლამენტის“ მიერ „აპარტ-სასტუმროების და ბინების სამართლებრივი სტატუსის მოწესრიგების შესახებ“ კანონის მოსალოდნელ მიღებაზე. ეს საშუალებას მისცემს მათ, ვისაც თავდაპირველად არანაირი კავშირი არ ჰქონდა აფხაზეთთან, იქ კანონიერად ფლობდნენ უძრავ ქონებას და დასახლდნენ სრულიად ლეგალურად.

 

ეს ბევრად გაამარტივებს აფხაზეთის  არააფხაზი ეროვნების პირებით დასახლების და მის „ზღვისპირა სომხეთად“ გადაქცევის პროცესს, სადაც თავად აფხაზები უკვე უმნიშვნელო უმცირესობად იქცევიან (როგორც იეზიდები ამჟამინდელ სომხეთის რესპუბლიკაში). მეტიც, მიგრანტებს, რომელთაგან ბევრს უკვე აქვს ორმაგი მოქალაქეობა (რუსეთის და სომხეთის), ჩუქებითაც არაფერში სჭირდებათ სეპარატისტული კვაზისახელმწიფოებრივი სუბიექტის დამატებითი „მოქალაქეობა“.

 

იმის გაცნობიერებით, რომ ბინების შესახებ კანონის გამო „აფხაზები  აფხაზეთში შეიძლება სწრაფად გადავიდნენ უმნიშვნელო უმცირესობაში“, აფხაზი პატრიოტები ცდილობენ გააპროტესტონ თავიანთი მიწის გაყიდვა „ბინების“ საშუალებით. აფხაზური ტელეგრამის არხები უკვე წერენ, რომ კანონის ძალაში შესვლიდან მალევე, აფხაზეთის ქალაქებისა და სოფლების ქუჩებში საუკეთესო შემთხვევაში 100 კაცზე 2-3 აფხაზი თუ მოვა. თუმცა, როგორც ჩანს, სეპარატიზმის სპონსორებმა ამჯერად გადაწყვიტეს, რაც შეიძლება მალე გაეჭრათ ეს ხვრელი აფხაზეთის მასობრივი შემოსახლებისთვის.

 

„ბინების შესახებ“ კანონის მიღების აუცილებლობის დასაბუთებით, სეპარატისტმა „აფხაზეთის პრეზიდენტმა“ ასლან ბჟანიამ აღნიშნა, რომ აფხაზეთს არ შეუძლია საკუთარი პრობლემების გადაჭრა და რუსეთის ფინანსური დახმარების იმედი უკრაინაში ომიდან გამომდინარე, არ უნდა ჰქონდეთ. ამასთან, მისი თქმით, „რუსული ბიზნესი“ საინვესტიციო შესაძლებლობებს რუსეთის ფედერაციის ფარგლებს გარეთ ეძებს. კანონის მოწინააღმდეგეების შიშის გასაფანტად ასლან ბჟანიამ განაცხადა:

 

„მიწები რჩება სახელმწიფოს საკუთრებაში, ბინების ფლობის უფლება არ წარმოშობს მოქალაქეობის ან ბინადრობის ნებართვას. ბინების მფლობელს არ ექნება შესაძლებლობა და უფლება მონაწილეობა მიიღოს აფხაზეთის პოლიტიკურ ცხოვრებაში. შეიქმნა მექანიზმები, რათა გამოირიცხოს ჩვენი სახელმწიფოსთვის საფრთხის შემქმნელი პირების მიერ ბინების შეძენის შესაძლებლობა. აუცილებელია შეიცვალოს ქვეყნის იმიჯი ღრმად გამჯდარი „აფხაზეთი ღარიბი ტურისტის საზაფხულო დასვენების ადგილიდან“ „აფხაზეთი მდიდარი ტურისტის მთელი წლის დასვენების ადგილია“-ზე. ბინების თავისებურება მდგომარეობს იმაშიც, რომ ისინი დაკავებული იქნება შუასეზონურად, შემოდგომა-ზამთრის პერიოდში.”

 

შედეგად, „ტურისტები“ სამუდამოდ დასახლდებიან აფხაზეთში და ფესვებსაც გაიდგამენ. ბუნებრივია, ეთნიკურ ქართველს სეპარატისტულ ტერიტორიაზე დასახლების უფლებაც კი „ბინების შესახებ კანონით“ არ ექნება. ქართველები ხომ სეპარატისტული „სახელმწიფოსთვის“ „საფრთხის შემცველად“ არიან წარმოდგენილი.

 

სამაგიეროდ, კიდევ უფრო აქტიურად დასახლდებიან "უძველესი ხალხის" წარმომადგენლები. განსაკუთრებით „არცახიდან“, რომლის სეპარატისტული პროექტი საბოლოოდ განწირულია და რომელიც მოსკოვიდან ყარაბაღში სპეციალურად გაგზავნილმა რუბენ ვარდანიანმაც კი ვერ „გააცოცხლა“. მეტიც, „ბინების შესახებ“ კანონის წყალობით, ახალმოსახლე სომხებს აღარ მოუწევთ ფულის დახარჯვა სეპარატისტული „მოქალაქეობის“ შესაძენად. ისე, მათ საერთოდ არ სჭირდებათ „აფხაზეთის პოლიტიკურ ცხოვრებაში მონაწილეობა“, ამისთვის არიან ეთნიკური სომხები, რომლებსაც უკვე აქვთ სეპარატისტული „მოქალაქეობა“ და  ხმათა უმრავლესობაც მათ ეკუთვნით.

 

ამავდროულად,  „ბინების შესახებ“ „კანონის“ თანახმად, ახალ მფლობელთა მიერ მოროდიორთა 1992-1993 წლებში განდევნილი ქართველი მოსახლეობისგან "ნაალაფევ" სახლებში შესვლა შეუძლიათ „დააკანონონ“. სავარაუდოდ, დასაწყისისთვის ამ საცხოვრებლებს შგადაიყვანენ "არასაცხოვრებელი" უძრავი ქონების კატეგორიაში, როგორც "დანგრეული და საცხოვრებლად გამოუსადეგარი", შემდეგ კი შეაკეთებენ ან გადააკეთებენ "ინვესტორების" ხარჯზე და გაყიდიან "ბინებად" ახალ მფლობელებზე. ამგვარად, ქართველ დევნილებს უკანონოდ ჩამოერთმევათ კანონიერი საცხოვრებლის უფლება.

 

 

გიორგი კვინიტაძე

წაკითხულია : 469


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები