პოლიტიკა

ანდრიუს კუბილიუსი - ვხედავთ, რომ ქართველ ხალხს აქვს ევროკავშირში გაწევრიანების ნამდვილად ძლიერი სურვილი, სამწუხაროდ, მთავრობა მთავარი დაბრკოლება ხდება

16.03.23 13:40


ჩვენ ვნახეთ პოლიტიკური პროვოკაციები „უცხოური აგენტების“ კანონთან დაკავშირებით და ვფიქრობ, რომ კიდევ მეტი პროვოკაცია იქნება და პროევროპული ოპოზიცია არის ალტერნატივა, რომელსაც შეუძლია დაიცვას ქართველი ხალხის ინტერესები ევროკავშირში გაწევრიანებასთან დაკავშირებით, -ამის შესახებ ევროპარლამენტარმა ანდრიუს კუბილიუსმა სტრასბურგში, ქართველ ოპოზიციონერ პოლიტიკოსებთან გამართული შეხვედრის შემდეგ განაცხადა.

 

მისი თქმით, ქართველ ხალხს აქვს ევროკავშირში გაწევრიანების ნამდვილად ძლიერი სურვილი, "სამწუხაროდ, მთავრობა მთავარი დაბრკოლება ხდება".

 

„ნამდვილად კარგი შეხვედრა იყო, როგორც იცით, ქართული ოპოზიციური პარტიების წარმომადგენლები ჩამოვიდნენ აქ. ჩვენ მათ რა თქმა უნდა ვკითხეთ, როგორ აფასებენ სიტუაციაs და რა არის შემდგომი ნაბიჯები და გეგმები, რადგან ჩვენ ვხედავთ, რომ ქართველ ხალხს აქვს ევროკავშირში გაწევრიანების ნამდვილად ძლიერი სურვილი, სამწუხაროდ, მთავრობა ხდება მთავარი დაბრკოლება ინტეგრაციისთვის. ჩვენ ვნახეთ პოლიტიკური პროვოკაციები „უცხოური აგენტების“ კანონთან დაკავშირებით და ვფიქრობ, რომ კიდევ მეტი პროვოკაცია იქნება და პროევროპული ოპოზიცია არის ალტერნატივა, რომელსაც შეუძლია დაიცვას ქართველი ხალხის ინტერესები ევროკავშირში გაწევრიანებასთან დაკავშირებით. როგორ გააკეთებენ ისინი ამას, რა გამოვა მომავალი წლის არჩევნებიდან და ასე შემდეგ - ჩვენ ყველა ეს საკითხი განვიხილეთ. ჩვენი ინტერესია დავეხმაროთ ქართველ ხალხს მიაღწიონ ევროინტეგრაციასთან დაკავშირებულ მიზანს და ამიტომ ვიჩენთ დიდ ინტერესს, ვნახოთ, რომ ქართულ ოპოზიციას შეუძლია ევროკავშირისკენ ალტერნატიული, რეალური გზის შეთავაზება“, - აღნიშნა ევროპარლამენტარმა.

 

შეგახსენებთ, ოთხი ოპოზიციური პარტიის - „სტრატეგია აღმაშენებლის“, „ნაციონალური მოძრაობის“ „დროას“, „გირჩი - მეტი თავისუფლების“ წარმომადგენლებმა სტრასბურგში, საქართველოს ევროინტეგრაციის საკითხთან დაკავშირებით, სხვადასხვა პოლიტიკური ჯგუფის წარმომადგენლებთან, შეხვედრა გამართეს.

 

 

წყარო  :  IPN /www.interpressnews.ge/

წაკითხულია : 352


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები