პოლიტიკა

ნატო-ში რუმინეთის ელჩი - მჯერა, საქართველო გააგრძელებს რეფორმებს, რაც დაახლოებს მას ნატო-სთან, ნატო არის ღირებულებების, პრინციპების ორგანიზაცია, დემოკრატია ერთ-ერთი მათგანია

20.03.23 15:30


რუმინეთი მხარს უჭერს შავი ზღვის რეგიონს და ნატო-ს მეტ ყურადღებას შავი ზღვის რეგიონში, ეს ასევე სარგებელს აძლევს საქართველოსაც, – ამის შესახებ ნატო-ში რუმინეთის ელჩმა, დან ნეკულესკუმ განაცხადა.

 

ამასთან, მისივე თქმით, სჯერა, საქართველო გააგრძელებს რეფორმებს, რაც დაახლოებს მას ნატო-სთან.

 

„ჩვენ გვსურს, გავზარდოთ ნატო-ს ცნობადობა და რომ საქართველო იყოს ნატო-სთან შეძლებისდაგვარად ახლოს, რეგიონში უსაფრთხოების გარემოდან გამომდინარე, ასევე შავი ზღვის რეგიონში არსებულ ვითარებასთან დაკავშირებით. რუმინეთი არის ქვეყანა, რომელიც მხარს უჭერს შავი ზღვის რეგიონს და ნატო-ს მეტ ყურადღებას შავი ზღვის რეგიონისადმი. მჯერა, რომ ეს ასევე სარგებელს აძლევს საქართველოსაც.

 

მე ვარ ნატო-ში რუმინეთის ელჩი. ასე რომ, ჩვენ შეგვიძლია, ვისაუბროთ ნატო-ს რეკომენდაციებზე და არა – ევროკავშირის რეკომენდაციებზე. ვფიქრობ, რომ მნიშვნელოვანია რეფორმების გაგრძელება და მოსახლეობის მხარდაჭერა. ვიცით, რომ საქართველოს მოსახლეობა ჯერ კიდევ ემხრობა ნატო-ს და ევროკავშირს. ესაა ყველაზე მნიშვნელოვანი და საჭიროა მისი გათვალისწინება. მჯერა, რომ საქართველოს ხელისუფლება, მოსახლეობა და ზოგადად ქვეყანა გააგრძელებს რეფორმებს, რაც დაახლოებს მას ნატო-სთან და ევროკავშირთან. ნატო არის ღირებულებებისა და პრინციპების ორგანიზაცია, დემოკრატია ერთ-ერთი მათგანია. საქართველოში კონსოლიდირებული დემოკრატიის მშენებლობა ნატოსთვისაც კარგია“, – განაცხადა ნატო-ში რუმინეთის ელჩმა, დან ნეკულესკუმ.

 

 

 

წყარო :  /www.1tv.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები