პოლიტიკა

ილია დარჩიაშვილი: პარტნიორების ხმა, მოსაზრებები ყოველთვის იყო, არის და იქნება მომავალში საინტერესო

21.03.23 15:00


პარტნიორების ხმა, მოსაზრებები ყოველთვის იყო, არის და იქნება მომავალში საინტერესო,- ამის შესახებ საქართველოს საგარეო საქმეთა მინისტრმა, ილია დარჩიაშვილმა განაცხადა.

 

„ჩვენთვის რა თქმა უნდა მნიშვნელოვანია ვიცოდეთ ყველა პოლიტიკოსის, დეპუტატის ხედვა და მოსაზრება. ჩვენ შეძლებისდაგვარად ვითვალისწინებთ ჩვენს ყოველდღიურ საქმიანობაში მათ მოსაზრებებს. არის მოსაზრებები, რომელიც საფუძველს მოკლებულია და არანაირი საფუძველი არ არის, რომ მოვისმინოთ მსგავსი განცხადებები, თუმცა, პარტნიორების ხმა, მოსაზრებები ყოველთვის იყო, არის და იქნება მომავალში საინტერესო. ის საბოლოო გადაწყვეტილება, რომელიც ეხებოდა კანონპროექტს, რომლის დღის წესრიგიდან მოხსნა სულ ცოტა ხნის წინ მოხდა, ვფიქრობ, რომ საქართველოს ხელისუფლების, მმართველი გუნდის მხრიდან გადადგმული ნაბიჯია, როდესაც საქმე დეპოლარიზაციას ეხება. ამ მხრივ ეს ნაბიჯი არის პასუხი, რომ საქართველოს სახელისუფლებო გუნდი ყოველთვის ყურადღებით უსმენს პარტნიორების მოსაზრებებს“, - აღნიშნა ილია დარჩიაშვილმა.

 

 

 

წყარო :  /www.imedinews.ge/

წაკითხულია : 127


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები