პოლიტიკა

„ოცნების“ 5 წევრს, მათ შორის, რუსულ კანონზე არახელმომწერებს, მანდატი შეუწყდათ

24.03.23 13:20


„ქართული ოცნების“ 5 დეპუტატს საპარლამენტო მანდატი ოფიციალურად შეუწყდათ. ამის შესახებ დღეს, 24 მარტს, პარლამენტის საპროცედურო საკითხთა კომიტეტზე იმსჯელეს.

 

საუბარია 5 დეპუტატზე, კერძოდ: გიორგი ამილახვარი, ირაკლი კოვზანაძე, ვლადიმერ ჩაჩიბაია, ნინო იობაშვილი და გიორგი ხელაშვილი.

 

ჩაჩიბაია, ხელაშვილი და იობაშვილიც იმ დეპუტატებს შორის არიან, რომელთაც რუსული კანონპროექტისთვის მხარი არ დაუჭერიათ.

 

რუსულ კანონპროექტს მხარი არ დაუჭირა უმრავლესობის კიდევ ერთმა წევრმა, ირაკლი კოვზანაძემ, რომელმაც დეპუტატის მანდატზე უარი მანამდეც თქვა.

 

ამ დროისთვის უცნობია უმრავლესობის ორი წევრის – დავით სერგეენკოსა და ელგუჯა გოცირიძის მანდატების შესახებ გადაწყვეტილება. სერგეენკოსა და გოცირიძესაც მხარი არ დაუჭერიათ რუსული კანონპროექტისთვის.

 

დავით სერგეენკომ  ბოლოს ინტერვიუ „ტვ პირველს“ მისცა, სადაც  ცალსახად არ პასუხა კითხვას, ტოვებს თუ არა პარტიას და მანდატს. სერგეენკომ განაცხადა, რომ „ოცნების“ მენეჯმენტის „შეჯერებულ პოზიციას“ ელოდება. ამასთან,  აღნიშნა, რომ ეს მისთვის ბოლო მოწვევის პარლამენტია და მომავალ არჩევნებში მონაწილეობას აღარ გეგმავს.

 

 

 

წყარო :  /www. netgazeti.ge/

წაკითხულია : 154


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები