პოლიტიკა

აზერბაიჯანი ყარაბაღის სომეხ მოსახლეობას რეინტეგრაციაზე სასაუბროდ იწვევს

27.03.23 16:00


აზერბაიჯანის პრეზიდენტის ადმინისტრაცია ყარაბაღში მცხოვრებ სომეხ საზოგადოებას ბაქოში შესახვედრად იწვევს.

 

“აზერბაიჯანის პრეზიდენტის ადმინისტრაცია კიდევ ერთხელ იწვევს ყარაბაღის სომეხი საზოგადოების წარმომადგენლებს აპრილის დასაწყისში, ბაქოში, რეინტეგრაციისა და ასევე, ყარაბაღში ინფრასტრუქტურული პროექტების რეალიზაციის საკითხების განსახილველად”.

 

აზერბაიჯანული მხარის ცნობითვე, პირველი ასეთი შეხვედრა აზერბაიჯანთან “რეინტეგრაციის” საკითხებზე 2023 წლის პირველ მარტს ყარაბაღშივე შედგა, თუმცა, ყარაბაღში ეს ინფორმაცია უარყვეს.

 

2020 წლის ყარაბაღის მეორე ომის შემდეგ, როდესაც აზერბაიჯანმა ყარაბაღში გარკვეული ტრეიტორიები დაიკავა [აზერბაიჯანის ვერსიით, დაიბრუნა], აზერბაიჯანული მხარე ყარაბაღის სომეხ მოსახლეობის აზერბაიჯანის ფარგლებში ინტეგრაციას სთავაზობს, რაც სომხური მხარისთვის მიუღებელი პროცესია.

 

პარალელურად, 100 დღეზე მეტია, აზერბაიჯანულ მხარეს ჩაკეტილი აქვს ყარაბაღელებისთვის ერთადერთი სასიცოცხლო გზა [ლაჩინის დერეფანი], რომელიც ყარაბაღს სომხეთთან აკავშირებს, რითაც ადგილობრივ სომეხ მოსახლეობას ჰუმანიტარულ კრიზისში ამყოფებს.

 

 

 

წყარო :  /www. netgazeti.ge/

წაკითხულია : 163


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები