პოლიტიკა

კახა კალაძე: ადამიანების მიმართ, რომლებიც სიცოცხლის, ჯანმრთელობის ფასად იცავენ ჩვენი ქვეყნის მოქალაქეების უსაფრთხოებას, მშვიდობას, არველაძის მსგავსი ლექსიკით საუბარი შეურაცხმყოფელია

01.06.23 17:40


თბილისის მერი კახა კალაძე ყოფილი ხელისუფლების წარმომადგენლის გიორგი არველაძის განცხადებას გამოეხმაურა, რომელმაც პოლიციის დღესთან დაკავშირებით სოციალურ ქსელში ასეთი რამ დაწერა: „პოლიციელებო, პოლიციის დღეს არ გილოცავთ, ხართ ძაღლობა, ძაღლობას კი პოლიციის დღის მილოცვა არ ეკუთვნის“.

 

როგორც კახა კალაძემ განაცხადა, საზოგადოება ყველაფერს თავის სახელს დაარქმევს.

 

„არაფერი მიკვირს, გულწრფელად ვამბობ, რადგან ეს ადამიანები ისეთ მდგომარეობაში არიან, ისეთი გაუბედურებულები არიან, მათი დღევანდელი რეალობა და მდგომარეობა განპირობებულია მათი ქმედებებით. ის, რასაც ისინი ამ წლების განმავლობაში აკეთებდნენ, ეს ყველაფერი იმის შედეგია. ადამიანების მიმართ, რომლებიც მართლაც თავისი სიცოცხლის, ჯანმრთელობის ფასად იცავენ ჩვენი ქვეყნის მოქალაქეების უსაფრთხოებას, მშვიდობას, [არველაძის] მსგავსი ლექსიკით საუბარი შეურაცხმყოფელია. ძალიან კარგია, როდესაც არჩევნების დღე მოდის. გონიერია ქართველი ხალხი და შესაბამის გადაწყვეტილებას იღებს, რაც უნდა მიიღონ იმისთვის, რომ ქვეყანაში მშვიდობა, სტაბილურობა შეინარჩუნო და ასეთ გაბოროტებულ, ბინძურ და ბოროტ ძალებს არ მისცენ მმართველობაში დაბრუნების შესაძლებლობა“, - განაცხადა კახა კალაძემ.

 

 

წყარო :  /www.imedinews.ge/

წაკითხულია : 532


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები