საზოგადოება

თავისუფლების უკანონო აღკვეთისა და თანხის გამოძალვის ბრალდებით 4 პირი დააკავეს

06.06.23 13:00


თავისუფლების უკანონო აღკვეთისა და თანხის გამოძალვის ბრალდებით კახეთის პოლიციამ 4 პირი დააკავა. ამის შესახებ ინფორმაციას შინაგან საქმეთა სამინისტრო ავრცელებს.

 

უწყების ცნობით, ბრალდებულებმა 1972 წელს დაბადებული გ.ც. სახლიდან მოტყუებით გაიყვანეს, ფიზიკურად იძალადეს მასზე, მოკვლით დაემუქრნენ და თავისუფლება აღუკვეთეს.

 

სამართალდამცველებმა 2003 წელს დაბადებული მ.ბ., 2001 წელს დაბადებული გ.მ., 1989 წელს დაბადებული მ.ს. და 1994 წელს დაბადებული თ.ლ. ცხელ კვალზე, მომხდარიდან მალევე დააკავეს.

 

გამოძიება სისხლის სამართლის კოდექსის 143-ე მუხლის მე-3 ნაწილის “ა” და “ე” ქვეპუნქტით, ასევე, 181-ე მუხლის მე-2 ნაწილის “ა” ქვეპუნქტით მიმდინარეობს, რაც წინასწარი შეთანხმებით ჯგუფის მიერ, ძალადობის გამოყენებით, თავისუფლების უკანონო აღკვეთასა და ჯგუფურად ჩადენილ გამოძალვას გულისხმობს.

 

დანაშაულები 4-დან 10 წლამდე ვადით თავისუფლების აღკვეთას ითვალისწინებს.

 

 

წყარო : /www. netgazeti.ge/

წაკითხულია : 208


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები