პოლიტიკა

ირაკლი კობახიძე - კიდევ კარგი, სააკაშვილი, გვარამია, ხაბეიშვილი, კოლექტიური „ნაცმოძრაობა“ ხელისუფლებაში არ არიან, თორემ ქვეყანაში იდგებოდა რუსული ტანკები

28.06.23 14:20


ჩრდილოკავკასიელი ხალხის მიმართ მიხეილ სააკაშვილის მიმართვა ცარიელი პროვოკაცია იყო, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა.

 

მისივე თქმით, ეს მორიგი „პრიგოჟინისტური განცხადებაა“.

 

„საუბარი როცა არის კავკასიურ გაერთიანებაზე, მათ შორის ის გულისხმობს იმ რეგიონებს, რომლებიც დღეს არიან რუსეთის ფედერაციული სუბიექტები. ანუ, საუბარია სხვა სახელმწიფოს ტერიტორიულ ერთეულებზე. რა თქმა უნდა, მისი მხრიდან ესეც მორიგი პროვოკაციული განცხადებაა. მათი ბუნება აქედანაც ჩანს. ეს არის მორიგი პრიგოჟინისტური განცხადება. კიდევ კარგი, ეს ადამიანები – სააკაშვილი, გვარამია, ხაბეიშვილი, კოლექტიური „ნაცმოძრაობა“ ხელისუფლებაში არ არიან, თორემ ქვეყანაში იდგებოდა რუსული ტანკები. გარანტირებულად გეუბნებით, მათ რომ მოეხერხებინათ საპარლამენტო არჩევნების მოგება, 43 პროცენტი რომ არ გადაგველახა და ასე შემდეგ, თბილისში რუსული ტანკები იდგებოდა. ეს მათმა პრიგოჟინისტურმა დამოკიდებულებამ კიდევ ერთხელ აჩვენა. კიდევ კარგი, ისინი დღეს ხელისუფლებაში არ არიან“, – განცხადა ირაკლი კობახიძემ.

 

 

წყარო :  /www.1tv.ge/

წაკითხულია : 253


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები