მსოფლიო

ერევანში დაუმორჩილებლობის აქციებზე 100-ზე მეტი მონაწილე დააკავეს

25.09.23 13:00


სომხეთში ოპოზიციის მიერ გამოცხადებულ დაუმორჩილებლობის აქციაზე, რომელიც დღეს, 25 სექტემბერს დილის 8 საათიდან დაიწყო, ასზე მეტი ადამიანი დააკავეს.

 

როგორც სომხური მედია იუწყება, დაუმორჩილებლობის აქციაზე მონაწილეები რამდენიმე ჯგუფად არიან დაყოფილი და ბლოკავენ ქალაქის ქუჩებს.
პოლიციის განცხადებით, პროტესტის მონაწილეთა მოქმედებები უკანონოა და შესაბამისად, პოლიციის მოთხოვნებისადმი დაუმორჩილებლობის ბრალდებით უკვე დააკავეს 100-ზე მეტი ადამიანი.

 

პროტესტის მონაწილეები, მთიან ყარაბაღში შექმნილი სიტუაციის გამო, სომხეთის ამჟამინდელი მთავრობის გადადგომას უკვე რამდენიმე დღეა მოითხოვენ.

 

მთიანი ყარაბაღის იმ ტერიტორიაზე, რომელსაც ამ ეტაპზე აზერბაიჯანული მხარე არ აკონტროლებდა და 2020 წლის ყარაბაღის მეორე ომის შემდეგ რუსი სამშვიდობოების პასუხისმგებლობის ქვეშ იყო, აზერბაიჯანმა “ანტიტერორისტულ ოპერაციის” მოტივით 19 სექტემბერს შეტევა დაიწყო. დე ფაქტო რესპუბლიკის ცნობით, დაღუპულია, სულ მცირე, 200 ადამიანი, მათ შორის მშვიდობიანი მოსახლეობა, და დაჭრილია 400-ზე მეტი მოქალაქე. 20 სექტემბერს დე ფაქტო ყარაბაღის რესპუბლიკამ მიიღო რუსი მშვიდობისმყოფელების წინადადება ცეცხლის შეწყვეტასა და საბრძოლო შენაერთების განიარაღებაზე, რაც ბაქომ აზერბაიჯანის მორიგ ტრიუმფად და ყარაბაღის კაპიტულაციად გამოაცხადა და ამასთან, ყარაბაღელი სომხების რეინტეგრაციის გეგმასა და მშვიდობიან თანაცხოვრებაზე დაიწყო საუბარი.

 

 

 

წყარო :  /www. netgazeti.ge/

წაკითხულია : 145


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები