პოლიტიკა

მარიამ ლაშხმა ვარშავის უსაფრთხოების ფორუმში მიიღო მონაწილეობა

04.10.23 16:30


საგარეო ურთიერთობათა კომიტეტის თავმჯდომარის პირველმა მოადგილემ მარიამ ლაშხმა ვარშავის უსაფრთხოების ფორუმში მიიღო მონაწილეობა.

 

მარიამ ლაშხი პანელურ დისკუსიაში, რომელიც მიეძღვნა „ევროკავშირის გაფართოების საკითხს საქართველოს, უკრაინასა და მოლდოვას შესახებ“, მომხსენებლის სტატუსით სიტყვით გამოვიდა.

 

საგარეო ურთიერთობათა კომიტეტის თავმჯდომარის პირველმა მოადგილემ საქართველოსთვის კანდიდატის სტატუსის მინიჭების აუცილებლობაზე, საქართველოს მთავრობის მიერ გადადგმულ ნაბიჯებზე, 12 რეკომენდაციის შესრულებაზე და იმ პროგრესზე ისაუბრა, რომელიც ბოლო თვეების განმავლობაშია მიღწეული.

 

მომხსენებელმა ყურადღება გაამახვილა საქართველოში არსებულ მდგომარეობაზე, მათ შორის დეზინფორმაციის საკითხზე, რომელიც მარიამ ლაშხის განცხადებით, მნიშვნელოვან გამოწვევად რჩება ქვეყანაში.

 

საგარეო ურთიერთობათა კომიტეტის თავმჯდომარის პირველმა მოადგილემ ისაუბრა რეგიონულ უსაფრთხოებაზე და ევროპული უსაფრთხოების მომავალ არქიტექტურაში საქართველოს როლზე.

 

ფორუმის ფარგლებში ორმხრივი შეხვედრები გაიმართა როგორც მონაწილე ქვეყნების წარმომადგენლებთან, ასევე ადგილობრივი მთავრობისა და ოპოზიციის წარმომადგენლებთან.

 

ვარშავის უსაფრთხოების ფორუმი წარმოადგენს მსოფლიოში ერთ-ერთ მნიშვნელოვან კონფერენციას, რომელიც ორიენტირებულია უსაფრთხოების საერთო გამოწვევებზე, ერთობლივი პასუხების შემუშავებასა და მათი გადაჭრის გზებზე.

 

კონფერენცია იმართება ყოველწლიურად 2014 წლიდან და აერთიანებს სხვადასხვა ქვეყნის ლიდერებს, საერთაშორისო ორგანიზაციების წარმომადგენლებს, ექსპერტებს, ანალიტიკური ცენტრებისა და სამოქალაქო საზოგადოების 1500-ზე მეტ წარმომადგენელს 90-ზე მეტი ქვეყნიდან.

 

 

 

წყარო :  /www.imedinews.ge/

წაკითხულია : 181


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები