მსოფლიო

არგენტინის საპრეზიდენტო არჩევნებში ხავიერ მაილიმ გაიმარჯვა

20.11.23 12:40


არგენტინის საპრეზიდენტო არჩევნებში ულტრამემარჯვენე ლიბერტარიანელმა ხავიერ მაილიმ გაიმარჯვა.

 

წინასწარი შედეგებით, მან ხმების დაახლოებით 56% მოიპოვა. მისმა კონკურენტმა, ეკონომიკის ყოფილმა მინისტრმა, სერხიო მასამ, რომელიც მმართველი კოალიციის კანდიდატი იყო, ხმათა 44% დააგროვა.

 

როგორც მედია წერს, არჩევნები არგენტინაში ქვეყნისთვის რთულ დროს, მზარდი ინფლაციისა და ეკონომიკური კრიზისის ფონზე ჩატარდა.

 

მაილეიმ გააკრიტიკა ჩინეთი და ბრაზილია და თქვა, რომ არ ექნება საქმე „კომუნისტებთან“ და მხარს უჭერს უფრო მყარ კავშირებს აშშ-სთან.

 

ამის მიუხედავად, ბრაზილიის პრეზიდენტმა ლუის ინასიო ლულა და სილვამ შედეგების გამოცხადების შემდეგ მილეის წარმატებები უსურვა და აღნიშნა, რომ დემოკრატიის პატივისცემა ძალიან მნიშვნელოვანია.

 

მილეის გამარჯვება აშშ-ის ყოფილმა პრეზიდენტმა, დონალდ ტრამპმაც მიულოცა და თქვა, რომ ლიბერტარიანელი არგენტინას კვლავ დიდებულს გახდის.

 

 

primetime.ge

წაკითხულია : 154


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები