პოლიტიკა

რატი ბრეგაძე სომეხ კოლეგას შეხვდა

12.04.24 13:40


რიგით მე-5 სომხურ-ქართული სამართლებრივი ფორუმის ფარგლებში, საქართველოს იუსტიციის მინისტრი რატი ბრეგაძე სომეხ კოლეგას, გრიგორ მინასიანს შეხვდა.

 

იუსტიციის სამინისტროს ცნობით, გრიგორ მინასიანთან შეხვედრაზე რატი ბრეგაძემ ორ ქვეყანას შორის არსებული სტრატეგიული პარტნიორობის ფორმატში სამართლებრივი უსაფრთხოების უზრუნველყოფის მნიშვნელობასა და ორმხრივი სექტორული თანამშრომლობის გაღრმავებაზე ისაუბრა.

 

„მინისტრმა შეხვედრაზე ყურადღება გაამახვილა ორ ქვეყანას შორის სამართლებრივი რეგულაციების გამარტივებაზე რაც, თავის მხრივ, დადებითად აისახება ორი ქვეყნის ეკონომიკების განვითარებაზე.

 

„კეთილგანწყობაზე დაფუძნებული ინტენსიური ურთიერთობით შევძლებთ ჩვენს სახელმწიფოებს შორის არსებული სტრატეგიული ურთიერთობების სამართლებრივ უზრუნველყოფას, ადამიანებს შორის კონტაქტების კიდევ უფრო მეტად გამარტივებას და ეკონომიკისთვის ხელშეწყობას“, – განაცხადა რატი ბრეგაძემ.

 

მხარეებმა ისაუბრეს ორმხრივად მიღწეულ შედეგებზე, მიმდინარე რეფორმებსა და დაგეგმილ ინოვაციებზე იუსტიციის სამინისტროების ფარგლებში. ამასთან, შემდგომი თანამშრომლობის გამყარების მიზნით, მინისტრებმა განიხილეს ახალი ინიციატივები, რაც გააძლიერებს ინსტიტუციათა ფუნქციონირებას ეროვნულ დონეზე და გაამყარებს კომუნიკაციისა და თანამშრომლობის ეფექტიანობას რეგიონში“, – აღნიშნულია უწყების ინფორმაციაში.

 

იუსტიციის სამინისტროს ინფორმაციით, სომხურ-ქართული სამართლებრივი ფორუმი ერევანში 11-12 აპრილს იმართება.

 

 

1tv.ge

წაკითხულია : 352


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები