პოლიტიკა

იაგო ხვიჩია - პარტიის ლიდერი როცა ხარ, ქველმოქმედება გამოიყურება, როგორც წინასაარჩევნო მზადება, ხელნაწერი წიგნის შეძენა წინასაარჩევნო სვლას ნიშნავს

12.06.24 14:56


პარტიის ლიდერი როცა ხარ, ქველმოქმედება გამოიყურება, როგორც წინასაარჩევნო მზადება, ხელნაწერი წიგნის შეძენა წინასაარჩევნო სვლას ნიშნავს, – ამის შესახებ „გირჩის“ ლიდერმა, იაგო ხვიჩიამ საქართველოს პირველ არხს განუცხადა.

 

აღნიშნული კომენტარით იაგო ხვიჩია ბიძინა ივანიშვილის მიერ აუქციონზე იოანე-ზოსიმეს უნიკალური ხელნაწერი წიგნის შეძენას გამოეხმაურა.

 

„დარწმუნებული ვარ, ეს წიგნი „ქართული ოცნების“ ბევრ წევრს არ ექნება წაკითხული, არც გაგებული ექნებოდათ, მაგრამ წინასაარჩევნოდ მილიონ-ნახევრად, ცოტა ფულად შანსი გამოჩნდა, პოზიტიური ყურადღება მიიქციონ და კიდევ ერთხელ დაუბრუნდა საზოგადოებას, როგორც ქველმოქმედი, მაგრამ პარტიის ლიდერი როცა ხარ, ქველმოქმედება გამოიყურება, როგორც წინასაარჩევნო მზადება. ეს წიგნი V-VII საუკუნეებშია შექმნილი და 21-ე საუკუნის არჩევნების წელი დასჭირდა, რომ საქართველოში დაბრუნებულიყო. წიგნის ყიდვა გინდოდეს და „კრისტის“ აუქციონის გარეშეც იშოვი“, – განაცხადა იაგო ხვიჩიამ.

 

„კრისტის“ აუქციონზე იოანე-ზოსიმეს უნიკალური ხელნაწერი წიგნი ბიძინა ივანიშვილმა შეიძინა და ეროვნულ მუზეუმს გადაეცემა.

 

 

1tv.ge

წაკითხულია : 352


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები