ეკონომიკა

2016 წელს, წინა წელთან შედარებით, 38%-ით მეტი ღვინის ექსპორტი განხორციელდა

04.01.17 17:40


2016 წლის მონაცემებით, საქართველოდან მსოფლიოს 53 ქვეყანაში, 50 მილიონამდე ბოთლი (0,75 ლ) ღვინოა ექსპორტირებული, რაც 2015 წლის ანალოგიურ მაჩვენებელს 38%-ით აღემატება.

საანგარიშო პერიოდში ექსპორტირებულია 113.8 მლნ აშშ დოლარის ღირებულების ღვინო, რაც 2015 წლის მაჩვენებელზე 16%-ით მეტია.

ექსპორტის მატება აღსანიშნავია ევროკავშირის, ჩინეთის, აშშ-ს და სხვა ტრადიციული ბაზრების მიმართულებით. კერძოდ, ჩინეთში ღვინის ექსპორტის ზრდამ 2015 წელთან შედარებით, 98% (5 299 149 ბოთლი) შეადგინა, უკრაინა – 70% (5 811 050), რუსეთი – 49% (27 222 076), პოლონეთი – 46% (2 329 820), კანადა – 34% (210 936), ბელარუსი – 30% (1 174 362), დიდი ბრიტანეთი – 28% (97 226), ესტონეთი – 25% (631 632), ყირგიზეთი – 24% (230 776), აშშ – 19% (294 382), ლატვია -19% (1 258 632), იაპონია – 15% (159 654), გერმანია – 6% (292 454), ჩეხეთი – 353% (119 648) და სხვა.

ექსპორტიორი ქვეყნების პირველ ხუთეულში რუსეთი (27 222 076 ბოთლი), უკრაინა (5 811 050), ჩინეთი (5 299 149), ყაზახეთი (3 393 435) და პოლონეთი (2 329 820) შედიან.

ამასთან, 2016 წელს მსოფლიოს 17 ქვეყანაში ექსპორტირებულია 10 367 886 ბოთლი (0,5 ლ) ბრენდი, რაც 43%-ით აღემატება 2015 წლის მაჩვენებელს. სულ ექსპორტირებულია 23,12 მლნ აშშ დოლარის ღირებულების ბრენდი. ზრდამ 2015 წლის ანალოგიურ პერიოდთან შედარებით, 24% შეადგინა.

ექსპორტირებულ ადგილწარმოშობის დასახელების ღვინოებს შორის პირველ ადგილს იკავებს „ქინძმარაული“ – 7 417 333 ბოთლი, შემდეგ ხუთეულში მოდის „მუკუზანი“ – 2 568 547, „წინანდალი“ – 2 023 915, „ახაშენი“ – 923 780 და „ხვანჭკარა“ – 413 823 ბოთლი.

მთლიანობაში, ღვინის, ბრენდის, ჭაჭის, ღვინომასალის, ჩამოსასხმელი ბრენდისა და საბრენდე სპირტის ექსპორტის შედეგად მიღებულმა შემოსავლებმა საანგარიშო პერიოდში 194,3 მლნ აშშ დოლარს მიაღწია. 2015 წელს აღნიშნული მაჩვენებელი 146,5 მლნ აშშ დოლარს შეადგენდა – ზრდამ 32% შეადგინა.


წყარო : /www.kvira.ge/

წაკითხულია : 163


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები