პოლიტიკა

ე.წ. გერმანული მოდელის კენჭისყრა ხვალისთვის გადაიდო

31.05.16 19:15


პარლამენტის იურიდიულ საკითხთა კომიტეტის სხდომაზე ე.წ. გერმანული მოდელის კენჭისყრა ხვალისთვის გადაიდო.

როგორც კომიტეტის თავმჯდომარემ და კანონპროექტის ერთ-ერთმა ინიციატორმა ვახტანგ ხამალაძემ ჟურნალისტებს განუცხადა, ე.წ. გერმანული მოდელი კონსტიტუციასთან წინააღმდეგობაში არ მოდის.

„ჩემი თავისთვის არასოდეს მიმიცია უფლება და არც არასოდეს მივცემ, რომ იმ საკანონმდებლო ინიციატივაში მივიღო მონაწილეობა, რომელიც მიმაჩნია, რომ არაკონსტიტუციურია.

კანონპროექტის ავტორი და ერთ-ერთი ინიციატორი მე ვარ, ანუ თავისთავად ცხადია, მიმაჩნია, რომ კანონპროექტი კონსტიტუციასთან წინააღმდეგობაში არ მოდის“, – განაცხადა ვახტანგ ხამალაძემ.

ე.წ. გერმანული მოდელის განხილვას დღეს ინტერპარტიული ჯგუფის წევრებიც ესწრებოდნენ. რამდენიმე კომიტეტის გაერთიანებულ სხდომაზე საარჩევნო კოდექსში ცვლილებებს განიხილავდნენ, რომლის ერთ-ერთი შემადგენელიც სწორედ „გერმანული მოდელია“.

ვახტანგ ხმალაძის განმარტებით, ამ დროისთვის დარჩენილია მხოლოდ იურიდიულ საკითხთა კომიტეტი, რომელსაც აღნიშნული კანონპროექტისთვის კენჭი არ უყრია. ე.წ. გერმანული მოდელზე კენჭისყრა ხვალ, 12:00 საათზე ჩაინიშნა.


წყარო : /www.kvira.ge/

წაკითხულია : 253


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები