ეკონომიკა
19.04.17 20:05
„ეს პროგრამა გვაძლევს შესაძლებლობას, სრულიად ახალი გვერდი გადავშალოთ ჩვენი ქვეყნის ცხოვრებაში, მივცეთ გაფართოების საშუალება არა მხოლოდ არსებულ მეწარმეებს, არამედ დამწყებ საქმიან ადამიანებს, ინოვაციურად მოაზროვნე ახალგაზრდებს, ისარგებლონ სახელმწიფო პროგრამით და შექმნან ახალი მიმართულებები საქართველოს ეკონომიკაში,” – ამის შესახებ საქართველოს პრემიერ-მინისტრმა გიორგი კვირიკაშვილმა სააგენტოს – „აწარმოე საქართველოში” პრეზენტაციაზე სიტყვით გამოსვლისას განაცხადა.
მთავრობის ადმინისტრაციის ინფორმაციით, სახელმწიფო პროგრამის განმახორციელებელი სააგენტო დღეიდან ახალი სახელწოდებითა და ახალი სტრუქტურით გააგრძელებს საქმიანობას. სააგენტო „აწარმოე საქართველოში” სამ კომპონენტს გააერთიანებს: ბიზნესს (ადგილობრივი წარმოება), ექსპორტსა და ინვესტიციებს.
გიორგი კვირიკაშვილის განმარტებით, სახელმწიფო პროგრამაში შემავალი ყველა კომპონენტი გარდაიქმნება ერთ სტრუქტურად,სახელწოდებით – „აწარმოე საქართველოში”. პრემიერმა იმედი გამოთქვა, რომ ახალი სტრუქტურა იქნება უფრო მოქნილი და სახელმწიფო მხარდაჭერის პროგრამებს კიდევ უფრო ქმედითს და ეფექტიანს გახდის.
„მას ექნება ერთიანი ფრონტოფისი, ანუ მომსახურების ოფისი, რაც გაუადვილებს ბიზნესმენებსა და დამწყებ მეწარმეებს ბიზნესსაქმიანობას და სახელმწიფოსთან ურთიერთობას. მინდა გითხრათ, რომ მეწარმეობის განვითარებასთან ერთად, ჩვენ პრიორიტეტად დავისახეთ ჩვენი ქვეყნის ღირსეული პოზიციონირება საერთაშორისო ასპარეზზე, რომელიც განაპირობებს ინვესტიციების მოზიდვისა და ექსპორტის ზრდას,” – აღნიშნა პრემიერმა.
გიორგი კვირიკაშვილის თქმით, საქართველოს მთავრობა აქტიურად მუშაობს სავაჭრო-საექსპორტო ბაზრების დივერსიფიკაციის მიმართულებით – საქართველოს უკვე აქვს თავისუფალი ვაჭრობის შეთანხმებები ევროკავშირთან, თურქეთთან, დსთ-ს ქვეყნებთან; უახლოეს მომავალში ამოქმედდება თავისუფალი ვაჭრობის შეთანხმებები ევროპის თავისუფალი ვაჭრობის ასოციაციასთან, ჩინეთთან და ჰონკონგთან; განიხილება ინდოეთთან თავისუფალი ვაჭრობის შეთანხმების გაფორმების შესაძლებლობა.
„ეს ყველაფერი ქმნის უზარმაზარ პოტენციალს უცხოელი და ადგილობრივი ინვესტორებისთვის. ჩვენი მიზანია, ინვესტორებმა დაინახონ ის განსაკუთრებული შესაძლებლობები და ის ბიზნესგარემო, რომელიც საქართველოში არსებობს და ამით ხელი შეუწყონ ქართული პროდუქციის ექსპორტის ზრდას. ამ მიზნის მისაღწევად ჩვენ კიდევ უფრო გავაძლიერებთ მუშაობას. უფრო მეტიც, ჩვენი ექსპორტიორების გლობალური პოზიციონირებისთვის რამდენიმე სახელმწიფო უწყება გააერთიანებს ძალისხმევას. აწარმოე საქართველოში, საგარეო საქმეთა სამინისტრო და ექსპორტის ხელშეწყობის სააგენტო ერთობლივად იმუშავებენ, რათა ხელი შეუწყონ ექსპორტიორების ახალ ბაზრებზე გასვლასა და დამკვიდრებას. მინდა მადლობა გადავუხადო ყველას, ვინც წვლილი შეიტანა ამ პროგრამის წარმატებით ფუნქციონირებაში, რა თქმა უნდა, უპირველეს ყოვლისა ეკონომიკის სამინისტროს გუნდს. ასევე მინდა მადლობა გადავუხადო სოფლის მეურნეობის სამინისტროს გუნდს, სოფლის მეურნეობის კომპონენტის წარმატებით განხორციელებისთვის, მადლობა საბანკო სექტორს, რომლის მონაწილეობის გარეშე შეუძლებელი იყო წარმატების მიღწევა და საერთაშორისო საფინანსო ინსტიტუტებს წარმატებული თანამშრომლობისთვის,” – განაცხადა პრემიერმა.
გიორგი კვირიკაშვილმა კიდევ ერთ სიახლეს გაუსვა ხაზი – მუშაობას დაიწყებს კომერციული ატაშეების ინსტიტუტი. მან იმედი გამოთქმა, რომ საქართველოს ერთგვარი ეკონომიკური ელჩები, რომლებიც სხვადასხვა ქვეყნებში საქართველოს საელჩოებში იმუშავებენ, საქართველოს შესაძლებლობებს აქტიურად გააცნობენ პოტენციურ ინვესტორებს.
პრემიერ-მინისტრმა სახელმწიფო პროგრამის – ,,აწარმოე საქართველოში” მუშაობა შეაფასა და მიღწეულ შედეგებზე ისაუბრა – პროგრამის დაწყებიდან დღემდე, მხოლოდ ინდუსტრიული კომპონენტის ფარგლებში, დაფინანსდა 170-მდე პროექტი, რომელთა ჯამური ინვესტიცია 400 მილიონ ლარამდეა; პროგრამის ფარგლებში, სოფლის მეურნეობის მიმართულებით 100 მილიონ ლარზე მეტი ინვესტიცია განხორციელდა; 20-ზე მეტი პროექტი დაფინანსდა სასტუმრო ინდუსტრიის სფეროში და ინვესტიციების ჯამური ოდენობა 34 მილიონ ლარს შეადგენს; კინოინდუსტრიის კომპონენტის ფარგლებში განხორციელდა 7 მილიონზე მეტი ლარის ინვესტიცია; მიკრო და მცირე მეწარმეობის ხელშეწყობის კომპონენტის ფარგლებში გადამზადებულია 9000-მდე ბენეფიციარი,თანადაფინანსება მიიღო 5000-მდე ბენეფიციარმა და შეიქმნა 5 000-ზე მეტი სამუშაო ადგილი სოფლად.
სააგენტო „აწარმოე საქართველოში” გააერთიანებს სამ დამოუკიდებელ ბრენდს: „აწარმოე საქართველოში – ბიზნესი”, „აწარმოე საქართველოში – ექსპორტი” და „აწარმოე საქართველოში – ინვესტიცია”.
ღონისძიებაზე დამსწრე საზოგადოებას სააგენტოს მიზნები და ამოცანები ეკონომიკისა და მდგრადი განვითარების მინისტრმა გიორგი გახარიამ წარუდგინა.
წყარო: kvira.ge
წაკითხულია : 199
დატოვეთ კომენტარები
ახალი ამბები
-
18:0129.03.24
-
17:3429.03.24
-
16:0629.03.24
-
15:0029.03.24
-
14:0829.03.24
-
13:2929.03.24
-
ილია დარჩიაშვილი არგენტინაში ქართული დიასპორის წარმომადგენლებს შეხვდა
12:3629.03.24
-
საქსტატი - თებერვალში საქართველოს ეკონომიკა 9.5 პროცენტით გაიზარდა
11:1829.03.24
-
10:5029.03.24
-
10:0029.03.24
-
ComCom-მა მობილურ ბაზარზე კონკურენციის გაუმჯობესების მიზნით კვლევა და წარმოება დაიწყო
17:0028.03.24
-
16:3528.03.24
-
16:0228.03.24
-
15:3928.03.24
-
15:1828.03.24
-
14:4628.03.24
-
ქართველი და გერმანელი მეცნიერების კვლევითი საქმიანობის ხელშეწყობის მიზნით მემორანდუმი გაფორმდა
14:1728.03.24
-
13:4328.03.24
-
ირაკლი კობახიძე საქართველოში უნგრეთის ელჩს შეხვდა
13:0328.03.24
-
12:3828.03.24
-
12:0128.03.24
-
შოთა ხაბარელი კორეის რესპუბლიკის საგარეო საქმეთა მინისტრის მოადგილეს შეხვდა
11:2028.03.24
-
მარიამ ქვრივიშვილი: ქუთაისის აეროპორტიდან ავტობუსის დანიშვნა ტურისტებს გადაადგილებას გაუმარტივებს
10:4828.03.24
-
10:0628.03.24
-
21:0327.03.24
-
18:0227.03.24
-
17:3027.03.24
-
17:0027.03.24
-
მამუკა მდინარაძე: საქართველომ ყველა მიმართულებით დაამტკიცა, რომ იმსახურებს ევროპის
16:3627.03.24
-
მთავრობამ კლიმატის ცვლილების 2024-2025 წლების სამოქმედო გეგმა დაამტკიცა
16:0327.03.24
-
15:2827.03.24
-
15:0527.03.24
-
14:4527.03.24
-
28-29 მარტს საქართველოში თბილი და უმეტესად უნალექო ამინდია მოსალოდნელი
14:2027.03.24
-
ეკა სეფაშვილი ევროპის საბჭოს განვითარების ბანკის მმართველსა და ბანკის აღმასრულებელ დირექტორს შეხვდა
13:4027.03.24
-
13:2027.03.24