პოლიტიკა

ადამიანის უფლებათა დაცვისა და სამოქალაქო ინტეგრაციის კომიტეტმა სისხლის სამართლის საპროცესო კოდექსში შესატან ცვლილებებზე იმსჯელა

04.06.21 13:40


ადამიანის უფლებათა დაცვისა და სამოქალაქო ინტეგრაციის კომიტეტმა საქართველოს სისხლის სამართლის საპროცესო კოდექსში შესატანი ცვლილებების ორ კანონპროექტზე იმსჯელა. ინფორმაციას საქართველოს პარლამენტი ავრცელებს.


პრესსამსახურის ცნობით, პირველი კანონპროექტი საქართველოს სისხლის სამართლის საპროცესო კანონმდებლობის საქართველოს კონსტიტუციასთან შესაბამისობაში მოყვანას ისახავს მიზნად.

 

კერძოდ, თუ ჩხრეკა ან ამოღება ანონიმური შეტყობინების კანონით დადგენილი წესით ჩატარდა და ამოღებული იქნა უკანონო საგანი, ნივთი ან ნივთიერება ეს გამამტყუნებელ განაჩენს საფუძვლად შეიძლება დაედოს იმ შემთხვევაში, თუ პირის მიერ მათი ფლობა შესაბამისი საგამოძიებო მოქმედების ოქმის გარდა დასტურდება სხვა მტკიცებულებითაც.

 

მათი თქმით, სისხლის სამართლის საპროცესო კოდექსში შესატანი ცვლილების შესახებ მეორე კანონპროექტით, დაიხვეწება ნაფიც მსაჯულთა ინსტიტუტის ფორმირებასთან დაკავშირებული საკითხები.

 

კერძოდ, ნაფიც მსაჯულთა შერჩევის სხდომაზე მაქსიმალური რაოდენობის კანდიდატები გამოცხადდებიან, რაც შესაძლებელს გახდის, კონკრეტული სისხლის სამართლის საქმის განმხილველი ნაფიც მსაჯულთა სასამართლოს შემადგენლობა უფრო შემჭიდროებულ ვადებში ჩამოყალიბდეს.

 

ცნობისთვის, კანონპროექტები კომიტეტის სხდომაზე ანრი ოხანაშვილმა წარადგინა.

 

 

 

წყარო :  /www .pia.ge/

წაკითხულია : 676


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები