პოლიტიკა

„ნამდვილად ვერ ვასრულებ და ვერ ვამართლებ ამომრჩეველთა იმედებს“ - მამუკა ხაზარაძე

20.10.21 10:15


„ახლაც შემიძლია ძალიან წყნარად გავაგრძელო ცხოვრება, არავინ არ მაიძულებდა და ცხოვრებაში არ მახსოვს ისეთი გადაწყვეტილება მიმეღოს, რომ ვიღაცის იძულებით რამე გამეკეთებინოს, პარლამენტში ვარ შეგნებულად, თუმცა, ნამდვილად ვერ ვასრულებ და ვერ ვამართლებ ამომრჩეველთა იმედებს“, - ამის შესახებ პარტია „ლელო საქართველოსთვის“ თავმჯდომარემ მამუკა ხაზარაძემ განაცხადა.

 

მისი თქმით, ქვეყანაში პოლარიზებულია პოლიტიკური სიტუაცია და ეს ქვეყნისთვის შედეგის მომტანი არ არის.

 

„ვერ ვასრულებ და ვერ ვამართლებ ამომრჩეველთა იმედებს, იმიტომ, რომ ეს პარლამენტი პოლარიზებულია და მათ ოპოზიცია არ აინტერესებთ, არც საქმიანი მსჯელობა, თვითონ იგონებენ და წერენ კანონებს. დღეს პარლამენტში 2 საკითხზე გავამახვილე ყურადღება, ერთი იყო ზიზღის ენა ხელისუფლების მხრიდან.

 

სააკაშვილის ჩამოსვლას რაც შეეხება, პოლარიზება მოხდა, უმრავლესობას საჩუქარი გაუკეთდა. თავის პარტიასაც და „ოცნებასაც“ მოუმატა ხმები და ძალა ისევ გადანაწილდა. ახლა უნდა მოხდეს მეტი კონცენტრაცია არჩევნების მეორე ტურებზე და დავგმოთ ის ენა, რომლითაც „ოცნება“ ესაუბრება თავის ოპონენტებს და ამ ენის დაგმობაზე მივუთითე დღეს პარლამენტში.

 

მეორე საკითხი არის მიყურადების, მოსმენის და უკანონო თვალთვალის საქმე. მათ მივმართე თუ როგორ ეგუებიან ამას? არ შეიძლება საძინებელში ადამიანებს უთვალთვალებდნენ და ამაზე პროტესტი არ ჰქონდეთ.

 

დღეს მთავარი ამოცანაა, რომ არჩევნების მეორე ტური უნდა იქნეს მოგებული, თუ გვინდა რამე შეიცვალოს. ამ ქვეყანაში პოლიტიკური ვენდეტა და რევანში უნდა დამთავრდეს. სხვანაირად საქართველო ვერ განვითარდება“, - განაცხადა მამუკა ხაზარაძემ.

 

 

 

 

წყარო :  /www .pia.ge/

წაკითხულია : 379


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები