პოლიტიკა

ანა დოლიძე „ნაცმოძრაობას“ მოუწოდებს, მიმართოს სტრასბურგის სასამართლოს და მოითხოვოს სააკაშვილის გადაყვანა სამოქალაქო საავადმყოფოში

26.10.21 13:00


პარტია „ხალხისთვის“ ლიდერი ანა დოლიძე „ნაციონალურ მოძრაობას“ მოუწოდებს, რომ დაუყოვნებლივ გამოიყენოს ევროპის ადამიანთა უფლებათა კონვენციის 39-ე მუხლით უზრუნველყოფილი დროებითი პროცედურა, მიმართოს სტრასბურგის სასამართლოს და მოითხოვოს სააკაშვილის გადაყვანა სამოქალაქო საავადმყოფოში.

 

დოლიძე იმედს გამოთქვამს, რომ სტრასბურგის სასამართლო დაუყოვნებლივ განიხილავს სააკაშვილის ადვოკატების აღნიშნულ მიმართვას დროებითი ღონისძიების გამოყენების შესახებ და გამოიტანს გადაწყვეტილებას, გადაიყვანენ თუ არა სააკაშვილს სამოქალაქო საავადმყოფოში.

 

„დღევანდელ ვითარებაში რთულია გაარკვიო სიმართლე მიხეილ სააკაშვილის ჯანმრთელობასთან დაკავშირებით. თუ მოვუსმენთ ორ პოლუსს ვითარება და სიმართლე რადიკალურად განსხვავებულია. ერთი მხრივ, მისი ჯანმრთელობის მდგომარეობა ძალიან ცუდია და ის ექვემდებარება გადაყვანას სამოქალაქო საავადმყოფოში, მეორე მხრივ, გვაქვს სიძულვილის, ღარიბაშვილის რიტორიკა, რომლისთვისაც ეს საკითხი პირად ინტერესს უფრო წარმოადგენს, ვიდრე სამართლიანობის ინტერესს. ჩვენ არ გვჯერა, რომ „ქართულ ოცნებას“ და პირადად ღარიბაშვილს გააზრებული აქვს ის პასუხისმგებლობა, რომელიც მათ ეკისრებათ საკააშვილის პატიმრობასთან და ჯანმრთელობასთან დაკავშირებით. ჩვენ მივიჩნევთ, რომ სააკაშვილი უნდა გასამართლდეს, მაგრამ მას ამავე დროს უნდა იყოს დაცული, რა თქმა უნდა, ჯანმრთელობის და სიცოცხლის უფლება. აქედან გამომდინარე, ჩვენ მოვუწოდებთ „ნაციონალურ მოძრაობას“, დაუყოვნებლივ გამოიყენოს ევროპის ადამიანის უფლებათა კონვენციის 39-ე მუხლით უზრუნველყოფილი დროებითი პროცედურა. მიმართოს სტრასბურგის სასამართლოს და მოითხოვოს სააკაშვილის გადაყვანა, მისი მოთხოვნის შესაბამისად, სამოქალაქო საავადმყოფოში. 39-ე მუხლით დადგენილი დროებითი პროცედურით, სტრასბურგის სასამართლო დაუყოვნებლივ იხილავს საქმეებს, როდესაც საქმე ეხება მხარის ჯანმრთელობას, სიცოცხლის და გადარჩენის საკითხებს. ჩვენ შეგვიძლია გვქონდეს იმედი, როგორც ადრე „რუსთავი 2“-ის საქმეში, სტრასბურგის სასამართლო დაუყოვნებლივ განიხილავს სააკაშვილის ადვოკატების ამ მიმართვას დროებითი ღონისძიების გამოყენების შესახებ და გამოიტანს გადაწყვეტილებას-გადაყვანილ იქნეს თუ არა სააკაშვილი სამოქალაქო საავადმყოფოში მისი სიცოცხლისა და ჯანმრთელობის დასაცავად. ეს დაადგენს სიმართლეს სააკაშვილის ჯანმრთელობის მდგომარეობასთან დაკავშირებით, ეს იქნება ისეთი გადაწყვეტილება, რომელსაც დაემორჩილება ორივე მხარე და დაემორჩიელბა აუცილებლად საქართველოს ხელისუფლება“ , - განაცხადა დოლიძემ.

 

 

 

წყარო  :  IPN /www.interpressnews.ge/

წაკითხულია : 631


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები