ანალიტიკა

რამდენი სომეხი მოქალაქეა დასაქმებული ამჟამად აფხაზეთში?
26.10.21 14:40

თანდათან სეპარატისტულ აფხაზეთში იძულებულნი არიან აღიარონ, რომ ამ ოკუპირებულ ტერიტორიაზე სომხეთის რესპუბლიკის მოქალაქეების საკმაოდ დიდი ნაწილი დასახლდა, ​​რომლებიც აქ სწრაფად „შინაურდებიან“. თუმცა სეპარატისტი ჟურნალისტები ამ ფაქტის აშკარა აღიარებისგან თავს იკავებენ.

 

ასე მაგალითად, ვიტალი შარიას სტატიაში, რომელიც ახლახან გამოქვეყნდა Echo Kakvkaz-ის ვებგვერდზე, „აფხაზეთში სამი ათასი ჩამოსული მუშახელია“ (https://www.ekhokavkaza.com/a/31523104.html).

 

ეს სტატია ძირითადად ეხება ჩამოსულ მუშახელებს უზბეკეთიდან. მაგრამ ისინი, როგორც წესი სეპარატისტულ ტერიტორიაზე ოჯახების გარეშე ჩადიან და აქ დიდხანს დარჩენას არც აპირებენ. ფულის გამომუშავების შემდეგ უზბეკები სახლში ბრუნდებიან. სტატიაში ასევე ნათქვამია ჩრდილოეთ კორეიდან მიგრანტ მუშებზე და შემდგომში იმავე სტატიაში თითქოს "სხვათა შორის", შემდეგია აღნიშნული:

 

„ედუარდ გამისონიას თქმით, ამჟამად აფხაზეთში დაახლოებით 700-800 სომხეთის მოქალაქეა დასაქმებული.

აი, სწორედ ეს "დაახლოებით" ბადებს უამრავ კითხვას. უფრო მეტიც, თავად სტატიაში ნათქვამია, რომ „აფხაზეთში ამჟამად შრომით საქმიანობას ლეგალურად ახორციელებს დაახლოებით სამი ათასი უცხო ქვეყნის მოქალაქე“. ანუ თუ 3 ათასს გამოვაკლებთ  800 სომეხს გამოვა, რომ ყველა დანარჩენი - უზბეკები, ტაჯიკები, კორეელები, რუსები და ა.შ. არის მაქსიმუმ 2200. თუნდაც ეს  ციფრები მეტყველებს იმაზე, რომ სეპარატისტულ აფხაზეთში სომხეთის მოქალაქეობის მქონე მუშაკთა რაოდენობა იგივე უზბეკებზე ნაკლები არ უნდა იყოს. და უცნაურია, რატომ არ ექცევა თითქმის არანაირი ყურადღება ამ კატეგორიის მოქალაქეებს.

 

და ისიც, რომ დღეს აფხაზეთში მხოლოდ 700-800 სომეხი მოქალაქე მუშაობს, აშკარად არ შეესაბამება სიმართლეს.

ჯერ ერთი, ეს მაჩვენებელი აშკარად მოძველებულია და ეხება ყარაბაღის მეორე ომის წინა პერიოდს, როდესაც სეპარატისტულ აფხაზეთში სომეხი ჩამოსახლებულების მასობრივი შემოდინება არ ხდებოდა და ისინი ადგილობრივ სომხებს შორის ადვილად „იკარგებოდნენ“. მაგრამ დღეს ყველაფერი შეიცვალა. ათობით, თუ არა ასობით ათასი ეთნიკური სომეხი, როგორც ლიკვიდირებული სეპარატისტული "არცახიდან", ასევე სომხეთის რესპუბლიკიდან მუდმივად გადავიდა აფხაზეთში  საცხოვრებლად. აქ აღარაფერს ვამბობთ კრასნოდარისა და სტავროპოლის ტერიტორიებიდან წამოსულ სომხებზე, რომლებსაც რუსეთის მოქალაქეობა აქვთ და ირიცხებიან „რუსებად“. სეპარატისტულ ხელისუფლებას ნამდვილად არ გააჩნია აფხაზეთში ამჟამად ჩასახლებული სომეხი მოქალაქეების ზუსტი რაოდენობის დასახელება.  მითუმეტეს მათ, როგორც წესი არ სჭირდებათ „ოფიციალური ნებართვები“ სამუშაოდ. აფხაზეთში სტუმრად ჩამოსული სომხები მუშაობენ ან საქმიანობენ სეპარატისტული მოქალაქეობის მქონე სომხებთან ერთად, რომლებიც აკონტროლებენ სეპარატისტული ტერიტორიის თითქმის მთელს ეკონომიკას. და ქირაობენ იგივე უზბეკებს, ტაჯიკებს და ჩრდილოეთ კორეელებს. ასე რომ, სომხეთის მოქალაქეების რაოდენობა, რომლებიც რეალურად არიან დასაქმებულნი სეპარატისტულ ტერიტორიაზე, უნდა გაიზარდოს სულ მცირე ერთი რიგით.  თუ ჩავთვლით იმათაც, ვისაც სომხეთის გარდა რუსეთის მოქალაქეობაც გააჩნია და საზღვარიც გადაკვეთა, როგორც "რუსეთის მოქალაქემ" - კიდევ 2-3 რიგით გაზრდა მოგვიწევს. მეორეც, სეპარატისტულ ტერიტორიაზე ერთ „მუშა“ სომეხზე მისი ოჯახის სულ მცირე 3-5 არამუშა წევრი მოდის, რომლებიც მან სეპარატისტულ აფხაზეთში გადაიყვანა. იგივე ეხება მათ  ვინც „არაფორმალურად“ მუშაობს  ან „საქმიანობს“.

 

ამდენად, თუ შევაჯამებთ ოკუპირებულ საქართველოს აფხაზეთში ჩასახლებულ სომეხ მოქალაქეთა ამ კატეგორიებს  მათი რიცხვი გაცილებით მეტი იქნება ვიდრე თავად აფხაზების რაოდენობა, რომელთა რიცხვი საუკეთესო შემთხვევაში 60 ათასია და რომლებიც აქამდე უკვე რიცხოვნობით ჩამორჩებოდნენ სომხებს.

 

და რა ხდება აფხაზების შემთხვევაში? აი მათ სომეხი "ცხოვრების ბატონ-პატრონები" განზრახ ხრწნიან უსაქმურობით და პარაზიტიზმით.

ვიტალი შარიას იმავე სტატიაში მოყვანილია დიალოგი:

„დაახლოებით ათი წლის წინ ერთ-ერთი ჩვენი ადგილობრივი გაზეთი იუწყებოდა: ახალგაზრდა ბიჭი, აფხაზი,  წავიდა სოჭში მშენებლობაზე სამუშაოდ. მიუხედავად იმისა, რომ იგივე სამუშაო, იგივე ანაზღაურებით მისი სახლის მახლობლადაც იყო. მაგრამ აქ, როგორც ამბობენ, მას შერცხვა ...

 

- ეს არის ჩვენი მენტალიტეტი, რა ვიზამთ..."

 

სოხუმის მუნიციპალური ორგანიზაცია „გალამაზება“ გასულ ზაფხულს ტელევიზიით, სოციალურ ქსელებში აქვეყნებდა სამუშაო  რეკლამას, მაგრამ ერთი-ორი ადამიანი თუ გამოეხმაურა. მიუხედავად იმისა, რომ კომუნალური ანაზღაურება აფხაზური სტანდარტებით არის საკმაოდ დიდი - 20 ათასი რუბლიდან.

 

მაგრამ თავად დამსაქმებლები, როგორც წესი, ამჯობინებენ ჩამოსული მუშახელის დაქირავებას. არა მხოლოდ იმიტომ, რომ ისინი უფრო დამყოლნი არიან და თანხმდებიან ნაკლებ ანაზღაურებაზე, არამედ ისინი არ მოცდებიან გაუთავებელი ქორწილებისა და დაკრძალვების გამოც. ” თუ გავითვალისწინებთ, რომ სეპარატისტულ აფხაზეთში დამსაქმებლების უმრავლესობა სომხები არიან, მაშინ ყველაფერი თავის ადგილზე დგება. ისინი ქირაობენ თანამემამულეებს ყველაზე პრესტიჟულ და მაღალანაზღაურებად სამუშაოებზე. ხოლო მძიმე ან ბინძური სამუშაოს შესასრულებლად ქირაობენ  უზბეკებს, ტაჯიკებსა თუ ჩრდილოეთ კორეელებს. აფხაზები კი სულ უფრო და უფრო ჩლუნგდებიან, მათ ახალგაზრდობას ანადგურებს მათი ეთნიკური ჯგუფისთვის ხელოვნურად შექმნილი უმუშევრობა, ნარკომანია, ლოთობა და  კრიმინალი.

 

 

 

Kavkazplus

წაკითხულია : 388