პოლიტიკა

რწყილის გამტყავებელი ხალხია... სააკაშვილის მიმართ დამოკიდებულება კი მეწვრილმანეობაა - გიგი უგულავა

12.05.22 17:00


ექსპრეზიდენტ მიხეილ სააკაშვილის თანაგუნდელი გიგი უგულავა სააკაშვილის ჯანმრთელობის მდგომარეობაზე საუბრობს და ამბობს, რომ ის სურათი, რაც საზოგადოებამ სააკაშვილთან მიმართებით იხილა, დამშვიდების უფლებას არ იძლევა. 

 

გიგი უგულავამ სააკაშვილის მიმართ ხელისუფლების დამოკიდებულებას მეწვრილმანეობა და ხელისუფლების წარმომადგენლებს „რწყილის გამტყავებლები“ უწოდა. 

 

„ის სურათი, რაც ჩვენ ვნახეთ დამშვიდების უფლებას და საშუალებას არ გვაძლევს. ყველაზე ცუდი თვისება, რომელიც ხელისუფლებას შეიძლება ჰქონდეს, ეს არის მეწვრილმანეობა. გუშინ ხომ ვნახეთ რაც ხდებოდა... დამოკიდებულებაზეა აქ საუბარი. 

 

როდესაც ჯიბრის სპირალში შედიხარ, ეგ ცალკე მოდალობაა და ეს არის სწორედ სახიფათო. ამ ისტორიის მთავარი ანომალია, გარდა იმისა, რომ სააკაშვილი ციხეში არ უნდა იყოს, მთავარი ანომალიაა, როდესაც მის ჯანმრთელობის საკითხზე საუბრობენ პოლიტიკოსები. ხან ერთ დიაგნოზს სვამენ, ხან მეორე დიაგნოზს, შემდეგ ექიმებს ამუნათებენ. ხელისუფლება ასეთ ტონალობაში ლაპარაკობს და ვხედავთ ამ მეწვრილმანეობას, ჯიბრში ჩადგომას. 

 

ასეთ მოცემულობაში შეიძლება კატასტროფა მოხდეს, ისე რომ ეს შეიძლება არავის უნდოდეს. მარკესის გამოცხადებული სიკვდილის ქრონიკა ხომ ეს არის? ყველამ ყველაფერი იცის, ყველა თითქოს რაღაცას გრძნობს, ვიღაცა წუხს, ვიღაცას ნაკლებად აინტერესებს... სწორედ ამიტომ არის სახიფათო ასეთი დამოკიდებულება. ეს არის რწყილის გამტყავებელი ხალხი“, - განაცხადა გიგი უგულავამ „მთავარის“ ეთერში. 

 

შეგახსენებთ, ექსპრეზიდენტი სააკაშვილი დილით სპეციალურმა პენიტენციურმა სამსახურმა სამედიცინო გამოკვლევების მიზნით რუსთავის მე-12 დაწესებულებიდან სამოქალაქო კლინიკა, „ვივამედში“ გადაიყვანა.

 

ამ დრომდე სააკაშვილის მდგომარეობის შესახებ კლინიკის ექიმებს განცხადება არ გაუკეთებიათ. „ვივამედის“ ტერიტორიის ყვითელი ლენტით არის შემოსაზღვრული. ადგილზე მობილიზებული არიან სამართალდამცველები.

 

 

წყარო :  /www .pia.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები