ანალიტიკა

წაიშლება თუ არა რუსეთის ფედერაციის საზღვარი ოკუპირებულ აფხაზეთთან - იქნება თუ არა ანექსია სწრაფი და "ფორმალობების" გარეშე?
27.05.22 16:00

უკრაინაში აგრესიის პარალელურად რუსი ოკუპანტები უბრალოდ „ფაქტობრივია კონტროლის“ თვალსაზრისით აპირებენ ოკუპირებული უკრაინული მიწების ანექსიას და უკვე დაიწყეს რუსული პასპორტების დარიგება ხერსონისა და ზაპოროჟიეს რეგიონებში. ანუ სავარაუდოდ არც ყალბი „რეფერენდუმები“ გაიმართება და არც „შუალედური ეტაპის“ სეპარატისტული ფორმირებები შეიქმნება. შედეგად უკვე აშკარა გახდა, რომ სოხუმსა და ცხინვალში სეპარატისტულ რეჟიმებთან „ცერემონიები“ და „ფორმალობები“ არ იქნება თუ გადაწყდება ამ უკვე ოკუპირებული საქართველოს ტერიტორიების ანექსირება.

 

შესაძლოა, რუსეთის ფედერაციის მიერ აფხაზეთის შთანთქმით ყველაფერი ჩაივლის არა მხოლოდ „რეფერენდუმების“ გარეშე, არამედ თვით სეპარატისტებისთვისაც კი, მოსალოდნელი ანექსიის შესახებ ინფორმირების გარეშეც, რაც არ უნდა აღშფოთებულნი იყვნენ ამით აფხაზები. მეტიც, სომხები, რომლებიც აფხაზეთში უკვე აჭარბებენ აფხაზებს, ცალსახად არიან ამ მიწის სრული და საბოლოო ანექსიის მომხრენი.

 

სწორედ ასე უნდა გავიგოთ რუსეთის სახელმწიფო დუმას დსთ-ს, ევრაზიული ინტეგრაციისა და თანამემამულეებთან ურთიერთობის კომიტეტის თავმჯდომარის ლეონიდ კალაშნიკოვის სიტყვები, რომელმაც 2022 წლის 25 მაისს (იმ დღეს, როდესაც პუტინმა ხელი მოაწერა ბრძანებულებას ოკუპირებულ ხერსონსა  და უკრაინის ზაპოროჟიეს რეგიონებში რუსული პასპორტების განაწილების შესახებ) განაცხადა, რომ რუსეთის ფედერაციის საზღვარზე ოკუპირებულ აფხაზეთთან სასაზღვრო გამშვები პუნქტი უნდა იქნას ლიკვიდირებული და საზღვარი "წაშალოს".

 

იმ დღეს მოსკოვში რუსეთის ფედერაციის სახელმწიფო სათათბიროში ამ საზღვრის გადაკვეთის გამარტივების საკითხზე გაიმართა სხდომა, რომელსაც სეპარატისტული „აფხაზეთის პარლამენტის“ რამდენიმე დეპუტატი და სეპარატისტების მარიონეტული "საგარეო საქმეთა სამინისტროს“ ხელმძღვანელი ინალ არძინბა „დაიბარეს“. მეპატრონეებმა თავიდანვე აუწყეს მარიონეტებს, რომ ისინი "გამოძღნენ" და რომ საზღვარი, რომელიც სოხუმის მარიონეტული ხელისუფლების კორუფციული გამდიდრების წყაროდ იქცა, უბრალოდ "არასაჭიროების" გამო ლიკვიდირებული იქნება. მომავალში, დიდი ალბათობით აფხაზეთის ფორმალურ „დამოუკიდებლობასთან“ ერთად.

 

საქმე იმაშია, რომ ფსოუს საზღვარი და გამშვები პუნქტი სეპარატისტული ხელისუფლების „საბალახოდ“ გადაიქცა. მოსკოვში სულ უფრო და უფრო მეტი საჩივარი მიდის  სეპარატისტული „მესაზღვრეების და „მებაჟეების“ გამოძალვის შესახებ. და არა მარტო რუსებისგან. სეპარატისტები იმდენად თავხედები არიან, რომ აფხაზეთის ნამდვილი „მფლობელებისგან“ - სომეხი ბიზნესმენებისგან საზღვრის გადაკვეთისთვის „ქრთამს“ ითხოვენ.

 

შეგახსენებთ, რომ სომხური ლობი დიდი ხანია სრულად აკონტროლებს სეპარატისტული აფხაზეთისა და მეზობელი რუსეთის კრასნოდარის ტერიტორიის ეკონომიკას. სეპარატისტი აფხაზი ჩინოვნიკების ასეთი „თავხედობა“, „ზღვისპირა სომხეთის“ საბაჟო მძიმე გადასახადით, რა თქმა უნდა დიდხანს ვერ დარჩებოდა დაუსჯელი. შედეგად, სომხურმა ლობიმ გადაწყვიტა, რომ დროა დაიხუროს „დამოუკიდებელი აფხაზეთის სახელმწიფოს“ საკითხი და ეს სურვილები „გაახმოვანეს“ რუსეთის ფედერაციის იმავე სახელმწიფო სათათბიროს შესაბამისი ფიგურების წინაშე.

 

ამიტომ, შემთხვევითი არ არის, რომ სეპარატისტებთან შეხვედრის შედეგების შემდეგ ლეონიდ კალაშნიკოვმა განაცხადა, რომ რუსეთ-აფხაზეთის საზღვარზე მდინარე ფსოუს გასწვრივ არსებული საგუშაგო უნდა გაუქმდეს.

 

„საუბარი ეხებოდა აფხაზეთის რუსეთის ფედერაციასთან საზღვარზე ფსოუზე გადასვლას, იმის გამო, რომ პრობლემა, რომელიც წლიდან წლამდე გრძელდება არანაირად არ წყდება. ჩვენ შევთანხმდით სამუშაო ჯგუფის შექმნაზე, მაგრამ ამ სპეციალური საკითხის გარდა, უფრო სერიოზული კითხვები დავსვით - როგორ აღმოვფხვრათ ეს გადასვლა, როგორც ეს ბელორუსიაში გაკეთდა“, - განუცხადა ლეონიდ კალაშნიკოვმა ჟურნალისტებს.

 

ყველაზე საინტერესო ის არის, რომ სეპარატისტი "საგარეო საქმეთა მინისტრისთვის" ინალ არძინბასთვისაც კი  საკითხის ამგვარად დასმა მოულოდნელი იყო. მას არც კი უცდია ამის გაპროტესტება იმ დღეს, არამედ დაიწყო რაღაცის ბუტბუტი „სამუშაო ჯგუფის შექმნაზე, რომელიც იმუშავებს საზღვრის გადაკვეთის გამარტივებაზე და არა საგუშაგოს აღმოფხვრაზე“.

 

მაგრამ იმისათვის, რომ სეპარატისტების ლიდერებისთვის უფრო „გასაგებად“ აეხსნათ, რომ კრემლის ბატონებს არაფერში სჭირდებათ მათი „დამოუკიდებელი აფხაზეთი“, სეპარატისტებს შეახსენეს, რომ დროა დაასრულონ თავიანთი „უნიკალური კანონმდებლობა“. იმავე შეხვედრაზე, სადაც დაისვა საზღვრის ლიკვიდაციის საკითხი, ლეონიდ კალაშნიკოვმა ხაზგასმით აღნიშნა, რომ უნდა მოხდეს „რუსეთსა და აფხაზეთს შორის საერთო სოციალურ-ეკონომიკური სივრცის“ ჩამოყალიბების დაჩქარება, რომელიც ეფუძნება „აფხაზეთის კანონმდებლობის ჰარმონიზაციას“. მარტივად რომ ვთქვათ, ყველა სეპარატისტული „კანონი“ რუსულით უნდა შეიცვალოს.

 

კალაშნიკოვმა ყურადღება გაამახვილა აფხაზეთში მიღებულ კანონზე დეპუტატების არჩევის შესახებ, რომელიც, მისი აზრით „შეიძლება რუსული ენის დისკრედიტაციას“, რადგან ითვალისწინებს „აფხაზური ენის სავალდებულო ცოდნას, ასევე თანამდებობის პირთა მიმართ ლინგვისტური კომპეტენციის გამკაცრებას“. ამგვარად, მოსკოვმა გასცა განკარგულება „დამოუკიდებლობის“ და „აფხაზური ენისა და კულტურის უნიკალურობის“ ყველა თამაშობის შეწყვეტის შესახებ.  უფრო მეტიც, თავად აფხაზები ძალიან სწრაფად დაივიწყებენ თავიანთ ენას.

 

უნდა ველოდოთ, რომ ერთ მშვენიერ დღეს ე.წ. "სამხრეთ ოსეთი" და აფხაზეთი დამპყრობლების მიერ იქნება ლიკვიდირებული და ეს ქართული მიწები პირდაპირ შეუერთდება რუსეთის ფედერაციას ყოველგვარი საზღვრებისა და საბაჟოების გაუქმებით. თუ სამაჩაბლოს ანექსიას გადაწყვეტენ, მას ოსური იდენტობისგან დაცლილ ჩრდილოეთ ოსეთს, მაგრამ მაინც ფედერაციის „ჩრდილოეთ ოსეთი-ალანიას“ „ნაციონალურ“ სუბიექტს მიუერთებენ, აი აფხაზეთთან დაკავშირებით კი ყველაფერი გაცილებით სავალალო იქნება.

 

ზოგადად, შეიძლება აფხაზები გადაასახლონ რუსეთის აღმოსავლეთში, როგორც მაგალითად მოსახლეობის ნაწილი დღეს დეპორტირებულია უკრაინის ოკუპირებული რეგიონებიდან. მაგრამ აფხაზეთში რომც დარჩნენ,  სომეხი ჩამოსახლებულების ზღვაში მაინც უმნიშვნელო უმცირესობად იქცევა.

 

 იმისათვის, რომ გავიგოთ რა ელის აფხაზებს უკეთეს შემთხვევაში, საკმარისია გადავხედოთ მათი მონათესავე შაფსუღების ბედს. შაფსუღების უმეტესობა, ისევე როგორც სხვა ჩერქეზული ტომები, რუსეთის იმპერიის წლებში გენოციდს ემსხვერპლა, მხოლოდ მცირე ნაწილი დატოვეს, რომელთა შთამომავლები ჯერჯერობით  დიდი სოჭის რაიონში ცხოვრობენ.

 

ისმის რამე იმის შესახებ, რომ შაფსუღებს სამშობლოში ჰქონდეთ საკუთარი „ხელისუფლება“, განავითარონ კულტურა, შეინარჩუნონ იდენტობა? არა, ეს ხალხი სწრაფად ასიმილირდება და ქრება. იგივე მოელის აფხაზურ ეთნოსს, თუ უარესი არა, რუსეთის მიერ აფხაზეთის ანექსიის შემთხვევაში.

 

 

 

Kavkazplus

წაკითხულია : 433