ანალიტიკა

რუსეთს მიაქვს ბიჭვინთა ისე,  რომ აფხაზებს არაფერს ეკითხება...
12.07.22 13:20

რუსეთის მიერ ოკუპირებული საქართველოს ტერიტორიის - სეპარატისტული აფხაზეთის ე.წ "დამოუკიდებლობა" და მისი "აღიარება" სრულიად მოჩვენებითია. რეალურად, რუსეთის ფედერაცია მთლიანად აკონტროლებს ამ ტერიტორიას. უფრო მეტიც, რუსეთს ნებისმიერ მომენტში შეუძლია აფხაზეთის ნაწილის ან თუნდაც მისი მთლიანად  საკუთარ შემადგენლობაში შეყვანა და აფხაზების აზრით განსაკუთრებით არც დაინტერესდეს. ხოლო სეპარატისტული ხელისუფლება ამგვარ ანექსიას ნებისმიერ დროს გაამართლებს, სანამ მათ რაიმე ეკითხება. თუმცა, შეიძლება მომავალში არც ჰკითხონ უბრალოდ ფაქტის წინაშე დააყენონ.

 

სწორედ ამ დასკვნის გამოტანა შეიძლება უკვე მიღებული გადაწყვეტილებიდან რუსეთის ფედერაციის იურისდიქციის გავრცელების თაობაზე კურორტის ბიჭვინთა უმეტეს ნაწილზე, კერძოდ, სახელმწიფო აგარაკების ტერიტორიაზე, სადაც საბჭოთა კავშირის დროს ისვენებდა საბჭოთა პარტიის უზენაესი ხელმძღვანელობა.

 

სინამდვილეში,  აფხაზეთში სეპარატისტული ომიც ხომ მომზადდა და ნაწილობრივ განხორციელდა ასევე იმის გამო, რომ მოსკოვის ყოფილ საბჭოთა ფუნქციონერებს და მათ შემცვლელ რუს ლიდერებს არ სურდათ შავი ზღვის საუკეთესო კურორტების დაკარგვა, მათ შორის იგივე ბიჭვინთისა. ის, რომ ყოფილი სამთავრობო აგარაკები სადაც მოსკოვის ელიტას მოსწონდა დასვენება, ყირიმში საბოლოოდ უკრაინას დარჩება, აფხაზეთში კი საქართველოს, ამგვარი განლაგება მათ არ აწყობდათ. აქ კრემლის უფროსებმა სწრაფად გამონახეს საერთო ენა სომხურ ლობთან, რომელსაც ჯერ ერთი სჭირდებოდა პრეცედენტები მისი „მიაცუმისთვის“, მეორეც, ქართული აფხაზეთის ნაცვლად „ზღვისპირა სომხეთი“ სჭირდებოდა.

 

და შედეგად კრემლმა დაიწყო სეპარატიზმის წაქეზების სცენარების განხორციელება და საზღვრების გადაკეთება, რათა „საყვარელი სანაპირო“ კონტროლქვეშ აეყვანა.

ქართველები აფხაზეთში, ყირიმელი თათრები და უკრაინელები ყირიმში "არალოიალურ" და "ზედმეტ" მოსახლეობად ითვლებოდა. „მოსკოვის ელიტის საზაფხულო არდადეგების ტრადიციების შენარჩუნების“ პერსპექტივით ათასობით ადამიანი დაიღუპა და ასობით ათასი დევნილად იქცა. უფრო მეტიც, ასეთი „საკურორტო ველიკოდერჟავის“ გამო, სისხლი კვლავ იღვრება უკრაინაში, სადაც ყველაფერი გავიხსენებთ სწორედ კურორტ ყირიმის ანექსიით დაიწყო.

 

ცოტა ხნის წინ ცნობილი გახდა, რომ რუსეთი დაჟინებით ითხოვს მარიონეტული სეპარატისტული აფხაზეთიდან საკუთრებაში გადასცეს უნიკალურ პიცუნდო-მიუსერსკის ნაკრძალში (სადაც მდებარეობს პიცუნდას ფიჭვის რელიქვიის კორომი) სახელმწიფო აგარაკების კომპლექსი 186 ჰექტარი ფართობით. ეს საკითხი სოხუმში მარიონეტების წინაშე 12 წლის წინ, 2010 წელს დაისვა. მაშინ, „აღიარების“ სანაცვლოდ მადლიერების ნიშნად, ვარაუდობდნენ, რომ სეპარატისტული აფხაზეთი რუსეთის ფედერაციას უშუალო იურისდიქციის ქვეშ მყოფი ტერიტორიების ნაწილს გადასცემდა.

 

  მაშინ კრემლი სეპარატისტებს ეთამაშებოდა და ამიტომ, როცა აფხაზურ საზოგადოებაში უკმაყოფილება გაჩნდა საუკეთესო აფხაზური კურორტის მიწების გადაცემის გამო, საკითხი გადაიდო. შემდეგ იყო ყირიმის ანექსია და მისი „განვითარება“, რის შედეგადაც კრემლი დროებით არ მოითხოვდა პიცუნდას სრულ მითვისებას. მაგრამ ახლა, როგორც ჩანს სურთ საკითხის საბოლოოდ მოგვარება.

 

ბიჭვინთის სახელმწიფო აგარაკების გადაცემის საკითხი კვლავ განახლდა „აფხაზეთის რესპუბლიკის“ მთავრობასა და რუსეთის ფედერაციის მთავრობას შორის 2022 წლის 19 იანვრით დათარიღებული შეთანხმების" ახალი ტექსტის გამოჩენისთანავე  აფხაზეთის ტერიტორიაზე არსებული ობიექტის რუსეთის ფედერაციის საკუთრებაში გადაცემის და მისი გამოყენების წესის შესახებ. ამ შეთანხმების საგანია გაგრაში, მიუსერსა და ბიჭვინთაში მდებარე სახელმწიფო აგარაკთა კომპლექსის გადაცემა, რომელიც მდებარეობს ბიჭვინთა-მიუსერის ბიოსფერული ნაკრძალის ტერიტორიაზე.

 

ბიჭვინთის აგარაკის რუსეთის ფედერაციის საკუთრებაში გადაცემის საკითხი განიხილეს 2022 წლის 7 ივლისს სეპარატისტულ „პარლამენტში“ ე.წ. „საერთაშორისო, საპარლამენტთაშორისო ურთიერთობებისა და თანამემამულეებთან ურთიერთობის კომიტეტი“-ს გაფართოებულ სხდომაზე. შედეგად  გადაწყდა, რომ ბიჭვინთის რუსეთისთვის გადაცემის შესახებ „სამთავრობოთაშორისი შეთანხმების“ პროექტი განსახილველად წარედგინა „პარლამენტს“ სესიის მომდევნო სხდომაზე იურიდიული ექსპერტიზისა და ამ რეზონანსულ საკითხზე მოსმენების გარეშე. ამ შეხვედრაზე ჟურნალისტებიც არ შეუშვეს და ის დახურულ კარს მიღმა გაიმართა.

 

უკვე აშკარაა, რომ რუსეთის მიერ ბიჭვინთის ფაქტობრივი ანექსიის შესახებ არც აფხაზ საზოგადოებას და არც თავად აფხაზებს არაფერს  ეკითხებიან. ფაქტობრივად, საკურორტო მეურნეობის თვალსაზრისით აფხაზეთის ტერიტორიის საუკეთესო ნაწილის ანექსია მიმდინარეობს. რუსეთის ფედერაციას, აფხაზური საზოგადოების განსაკუთრებული ინფორმირებისა და ექსპერტული შეფასებებისა და დისკუსიების ორგანიზების გარეშე, მიაქვს ბიჭვინთა და სეპარატისტული მარიონეტები მორჩილად მოიწონებენ ამ გადაწყვეტილებას.

 

უკრაინაში განხორციელებულმა აგრესიამ აჩვენა თუ როგორ იწმენდს კრემლი ფეხებს საერთაშორისო კანონმდებლობაზე, მაშინაც კი როცა ეს ეხება საყოველთაოდ აღიარებულ სუვერენულ სახელმწიფოებს. რა უნდა ითქვას სეპარატისტულ კვაზისახელმწიფოებზე, რომლებიც მხოლოდ კრემლის ახირების წყალობით გაჩნდნენ და არსებობენ? ბიჭვინთის შემთხვევაში, მათ ჯერ კიდევ ფორმალურად „ეკითხებიან“ აზრს, შემდეგ კი ამასაც აღარ გააკეთებენ.

 

ამჟამად უკრაინაში ომი აშკარად იწელება. რუსეთის ფედერაცია ვეღარ აკონტროლებს უკრაინის მთელი შავი ზღვის სანაპიროს (როგორც ეს იყო მოსალოდნელი აგრესიის დასაწყისში), ყირიმიც ფაქტობრივად დარტყმის ქვეშაა. მაგრამ მოსკოვის ელიტას ნამდვილად სურს დასვენების მიზნით შავ ზღვაზე ჰქონდეს "საკუთარი ელეგანტური აგარაკები".

 

ამიტომ, საბჭოთა პარტიული ბობოლების საყვარელი ბიჭვინთა, როგორც ჩანს,  რაც შეიძლება მალე პირდაპირ რუსეთის იურისდიქციაში უნდა შევიდეს მათი გადაწყვეტილებით. რათა სეპარატისტული მარიონეტების ქურდბაცაცა მათხოვრები „ფეხებში  არ ედებოდნენ“. ხოლო აფხაზებს, თუკი ისინი აღშფოთებას გამოხატავენ ბიჭვინთიდან უბრალოდ გააძევებენ. როგორც, მაგალითად დღეს ყოველგვარი ზედმეტი ცერემონიების გარეშე, რუსეთის ფედერაციის მიერ ოკუპირებული სამხრეთ და აღმოსავლეთ უკრაინის ტერიტორიების მოსახლეობა დეპორტირებულია რუსეთის აღმოსავლეთ რეგიონებში.

 

 

Kavkazplus

წაკითხულია : 451