პოლიტიკა

გურამ მაჭარაშვილი - სურვილი იყო და რჩება, რომ საქართველო საომარ მდგომარეობაში იყოს ჩათრეული

04.08.22 14:40


სურვილი იყო და რჩება, რომ საქართველო საომარ მდგომარეობაში იყოს ჩათრეული. დანილოვი არ არის არც რიგითი უკრაინელი და არც რიგითი საჯარო მოხელე, ის სამეულში თუ ორეულშია უკრაინის ხელისუფლებაში, – ამის შესახებ დამოუკიდებელმა დეპუტატმა, გურამ მაჭარაშვილმა განაცხადა.

 

მისი თქმით, დასკვნაა გასაკეთებელი, რატომ უნდა უნდოდეს უკრაინის ხელისუფლებას რუსეთისგან ოკუპირებული საქართველოს ომში ჩართვა.

 

„ეს არ არის მხოლოდ მისი სურვილი, გვახსოვს არესტოვიჩის, არახამიასა და ბევრი სხვა მაღალი თანამდებობის პირების განცხადებები. პრაქტიკულად, ეს ბოლო განცხადება იყო საჯარო მტკიცებულება, რომ უკრაინის ხელისუფლება გვეუბნება, რომ საომარ მოქმედებებში უნდა ჩავერთოთ. დასკვნაა გასაკეთებელი – თუ ჩვენ და უკრაინას უნდა გვქონდეს და ნამდვილად უნდა გვქონდეს მეგობრული და პარტნიორული ურთიერთობები, ორივე სახელმწიფო ვართ რუსეთის აგრესიის მსხვერპლი, ორივეს გვერდში გვიდგას აშშ და ევროკავშირი, მაშინ გაუგებარია, რატომ უნდა უნდოდეს უკრაინის ხელისუფლებას რუსეთისგან ოკუპირებული საქართველოს ომში ჩართვა და ამაზე დუმდეს აშშ-ის თუ ევროკავშირის საელჩო? – კითხვები დასმულია აშშ-ის ელჩის მიმართ. საზოგადოებაში ჩნდება ლეგიტიმური კითხვა, რომ იმის გათვალისწინებით, რომ ჩვენ და უკრაინა ვართ პარტნიორები, ასევე პარტნიორები არიან ამერიკა, ევროკავშირი და მათთან კარგი ურთიერთობები გვაქვს, მაშ, ვის სურს, რომ მოხდეს საქართველოს ჩართვა საომარ მდგომარეობაში? – ბევრს აქვს სურვილი, რომ საქართველო ომში ჩაერთოს და ამიტომ გვჭირდება აშშ-ის ელჩის ძალიან მკაფიო განცხადება, რომელიც გაემიჯნება იმ რიტორიკას, რასაც ომის რიტორიკა ჰქვია“, – განაცხადა მაჭარაშვილმა.

 

უკრაინის ეროვნული უსაფრთხოებისა და თავდაცვის საბჭოს მდივანმა, ალექსეი დანილოვმა უკრაინულ მედიასთან ინტერვიუში განაცხადა, რომ ის დღესაც თვლის, საქართველო ოკუპირებულ რეგიონებს თავის ტერიტორიებად თუ მიიჩნევს, უნდა დაეცვა თავისი ქვეყანა.

 

 

წყარო :  /www.1tv.ge/

წაკითხულია : 379


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები