პოლიტიკა

ოთარ შამუგია, პრაღაში მიმდინარე მინისტერიალის ფარგლებში, ავსტრიელ კოლეგას შეხვდა

19.09.22 12:00


ქალაქ პრაღაში გამართული სოფლის მეურნეობის მინისტერიალის ფარგლებში, გარემოს დაცვისა და სოფლის მეურნეობის მინისტრი ოთარ შამუგია ავსტრიის რესპუბლიკის ფედერალურ მინისტრს სოფლის მეურნეობის, სატყეო, რეგიონების და წყლის მართვის საკითხებში, ნორბერტ ტოტსჩინგს შეხვდა.

 

გარემოს დაცვისა და სოფლის მეურნეობის სამინისტროს ინფორმაციით, ოთარ შამუგიამ მადლობა გადაუხადა ავსტრიელ კოლეგას იმ მხარდაჭერისთვის, რასაც საქართველოში სოფლის მეურნეობის და გარემოს დაცვის სექტორების განვითარებისთვის ავსტრიის სახელმწიფო ახორციელებს.

 

„შეხვედრაზე ხაზი გაესვა თანამშრომლობის გაძლიერების მნიშვნელობას საერთაშორისო ვაჭრობის გაძლიერების კუთხით. ასევე აღინიშნა, რომ ავსტრიის გამოცდილების გაზიარება სასურსათო უსაფრთხოების საკითხებში არის კიდევ ერთი მიმართულება, სადაც შესაძლებელია თანამშრომლობა. მხარეებმა ასევე გამოთქვეს სურვილი და მზაობა, გააზიარონ გარემოსდაცვითი საკითხების და ბიომრავალფეროვნების მიმართულებით არსებული გამოცდილებები.

 

ოთარ შამუგიამ, სამომავლო თანამშრომლობის გაღრმავების მიზნით, ავსტრიის რესპუბლიკის ფედერალური მინისტრი საქართველოში მოიწვია“, - აღნიშნულია გავრცელებულ ინფორმაციაში.

 

 

 

წყარო :  /www.imedinews.ge/

წაკითხულია : 226


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები