პოლიტიკა

გაეროს გენერალური ასამბლეის 77-ე სესიის ფარგლებში საქართველოს საგარეო საქმეთა მინისტრი სლოვაკ კოლეგას შეხვდა

22.09.22 14:00


გაერო-ს გენერალური ასამბლეის 77-ე სესიის ფარგლებში საქართველოს საგარეო საქმეთა მინისტრი სლოვაკ კოლეგას შეხვდა.

 

ილია დარჩიაშვილმა რატისლავ კაჩერს საგარეო საქმეთა მინისტრის პოზიციაზე დანიშვნა მიულოცა და იმედი გამოთქვა, რომ მინისტრობის პერიოდში ორივე ქვეყნის ძალისხმევა საქართველო-სლოვაკეთის ტრადიციული მეგობრობისა და პარტნიორული კავშირების გამყარებისკენ იქნება მიმართული.

 

ამის შესახებ ინფორმაციას საქართველოს საგარეო საქმეთა სამინისტრო ავრცელებს.

 

მათივე ცნობით, შეხვედრაზე ხაზი გაესვა სლოვაკეთის ტრადიციულ მხარდაჭერას საქართველოს მიმართ. მინისტრებმა საქართველოს ევროპული ინტეგრაციის პროცესი მიმოიხილეს და ამ გზაზე ევროპული საბჭოს გადაწყვეტილების მნიშვნელობა აღნიშნეს. მინისტრებმა რეგიონში არსებული უსაფრთხოების გარემო მიმოიხილეს.

აღინიშნა საქართველოს ოკუპირებულ რეგიონებში შექმნილი მდგომარეობა და სლოვაკეთის მნიშვნელოვანი კონტრიბუცია საქართველოში ევროკავშირის სადამკვირვებლო მისიაში. მინისტრებმა, ასევე, გაეროს ფარგლებში წარმატებული თანამშრომლობა აღნიშნეს. ილია დარჩიაშვილმა კოლეგას გაეროში საქართველოს რეზოლუციის თანასპონსორობისთვის მადლობა გადაუხადა. ილია დარჩიაშვილმა თავისი სლოვაკი კოლეგა საქართველოში მიიწვია.

 

 

 

წყარო  :  IPN /www.interpressnews.ge/

წაკითხულია : 253


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები