პოლიტიკა

გიგა ბოკერია - ჩვენ უნდა ვფოკუსირდეთ ამ რეჟიმის შეცვლაზე, რადგან პუტინისტური რეჟიმის შეცვლა ნებისმიერი ეფექტური პოლიტიკის გატარების წინაპირობაა

22.09.22 17:00


„ევროპული საქართველოს“ თავმჯდომარის, გიგა ბოკერიას შეფასებით, საქართველოში რუსეთის მოქალაქეების გაზრდილი ნაკადის შემოდინებით ქვეყნისთვის ზიანი უკვე მიღებულია.

 

როგორც მან აღნიშნა, ახლა საზოგადოება „ქართული ოცნების“ რეჟიმის შეცვლაზე უნდა ფოკუსირდეს, რადგან ბოკერიას თქმით, პუტინისტური რეჟიმის შეცვლა ნებისმიერი ეფექტური პოლიტიკის გატარების წინაპირობაა.

 

„ზიანი უკვე მოტანილია ამ პუტინისტურ-კოლაბორაციონისტული რეჟიმის პირობებში, ყოველგვარი რაციონალური ფილტრის გარეშე, დიდი რაოდენობით მტრული სახელმწიფოს მოქალაქე შემოვიდა, რაც ჩვენს მტერ სახელმწიფოს ისედაც არსებულ შესაძლებლობებს უფართოებს, რომ მომავლისთვის აქ კიდევ უფრო ღრმა ქსელი ჰქონდეს და ეს უკვე დიდი პრობლემაა. ახლა, შესაძლოა, პუტინის რუსეთმა თვითონ ჩაკეტოს საზღვარი ისეთ მდგომარეობაში არიან. ჩვენ, როგორც აქამდე, უნდა ვფოკუსირდეთ ამ რეჟიმის შეცვლაზე, რადგან პუტინისტური რეჟიმის შეცვლა არის ნებისმიერი ეფექტური პოლიტიკის გატარების წინაპირობა.

 

სავიზო რეჟიმი კი არ არის აქ მთავარი ფოკუსი, ამის გარეშეც შეგიძლია ფილტრი დააყენო და აღარ შემოუშვა ან გამოიყენო შენი ქვეყნისთვის ეფექტურად, ჩვენ კი დღემდე ვხედავთ, რომ პუტინის მტრებს უზღუდავდნენ ხშირად ამ შესაძლებლობას, ხოლო სხვა ყველა შემთხვევაში ვიცით, რომ ფილტრი ან არ არსებობდა ან პირიქით იყო, ჩვენი ქვეყნისთვის მტრული კრიტერიუმებით მიღებული გადაწყვეტილებები შემოშვებასთან დაკავშირებით“, - განაცხადა გიგა ბოკერიამ.

 

 

 

წყარო  :  IPN /www.interpressnews.ge/

წაკითხულია : 253


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები